Arguidu Taka Kanek Lezadu Ho Valor U$ 1000 Dolares

Arguidu Taka Kanek Lezadu Ho Valor U$ 1000 Dolares

- in Krime
206
0
TTD1

DILI – Arguidu PSR tenke taka kanek neebe arguidu halo hasoru lezadu JP ho valor U$ 1000 tanba hakarak hadame malu iha tribunal.

Molok hahu julgamentu tribunal halo tentativa rekonsiliasaun entre lezadu ho arguidu, krimi neebe arguidu PSR halo hasoru lezadu JP ho nia natureza simples, ofensas integridade fizika Simples (OIFS) tanba nee molok atu hahu julgamentu tribunal tenke halo uluk tentativa rekonsialiasaun.

Iha tentaviva nee arguidu prontu hadame malu ho lezadu, tanba desde inisiu akontesimentu nee arguidu nunka buka lezadu atu koalia konaba problema nee. Tanba nee, lezadu prontu atu dame malu maibe arguidu tenke taka kanek neebe durante nee nia sofre, ho ida nee lezadu hakarak husu osan ho valor U$ 1000 dolares Amerikanu.

Alein de nee, arguidu mos konkorda ho valor osan neebe lezadu husu no promete ba tribunal no iha audensia sira nia oin katak hahu selu ba husi fulan agora to fin fulan Abril, dehan arguido iha TDD, tersa (14/03).

Husi parte Defeza no Ministeriu Publiku mos konkorda tanba buat hot-hotu lezadu mak hatene nia prezuizu, tanba arguidu mos aseita ba nia hahalok nee no arguidu rasik mos konkorda ho valor hirak nee.

Alein de nee tribunal mos husu ba arguidu atu entrega osan nee iha tribunal, hafoin intrega remata foin mak homologa no dezistensia keixa nee husi boletin krime.

Audensia julgamentu ne’e prezidi husi juiza Singular, Sribuana da Costa,MP reprezenta prokurador, Gustavo da silva, arguidu hetan asistensia legal husi Defensor publiku, Umberto Jose Alves. Domingos Piedade Freitas

 

Facebook Comments

Leave a Reply

Your email address will not be published. Required fields are marked *