Arguidu Taa F-FDTL Tama Prizaun

Arguidu Taa F-FDTL Tama Prizaun

- in Krime, Metro, Nasional, Notisias Online
410
0
download (41)

Editor: Germano de Sousa

Dili-Tribunal Distrital Dili (TDD), Segunda (2/3/2020) liu husi despaisu ba  prosesu primera interogatoriu, aplika medida prizaun preventiva ba  arguidu ho inisial CDC neebe tenta taa membru F-FDTL.

Tribunal aplika medida refere, hare katak iha indisus forte, hasoru vitima neebe hanesan membru F-FDTL.

Iha prosesu primera interogatoriu nee maske taka ba  publiku, maibe husi parte Ministeriu Publiku, promove arguidu ba  krime tentativa homesidu neebe previstu iha artigu 139 husi kodigu penal Timor-Leste, ho krime armas brankas lei numeru 5/2007.

Tribunal hatun tiha medida refere, tuir defeza arguidu nian Henrique Maris katak, tribunal aplika medida nee tanba iha indisus forte.

Tanba nee, arguidu ba  prizaun prventiva, se provas foun balu mosu dehan arguidu moras mental, maka  tribunal sei halo alterasaun ba medida nee.

Tuir faktus katak, arguidu halo asaun hasoru membru F-FDT iha Jardim 05 de Maio Colmera. Tanba nee, polisia detein, hodi submete ba iha prosesu primera interogatoriu.

Prosesu primera interogatoriu nee, prezide husi Juiz Titular Juiza, Sribuana da Costa, Ministeriu Publiku reprezenta husi Prokuradora Ivonia Guterres, arguidu hetan asistensia legal husi Defensor Publiku, Henrique Maris.* Reportajen: Terezinha De Deus

Komentariu

Facebook Comments

Leave a Reply

Your email address will not be published. Required fields are marked *