Arguidu Nain 7 Baku BOP, Hetan Prizaun Preventiva

Arguidu Nain 7 Baku BOP, Hetan Prizaun Preventiva

- in Nasional
71
0
Kadeia

DILI- Tribunal Distrital Dili, liu husi desizaun ba iha primera interogatoriu, aplika prizaun preventiva ba iha arguidu nain hitu, neebe deskonfia baku membru Polisia iha husi unidade Batalhao Ordem Publiku BOP inisial RJB.

Tuir informasau neebe iha, arguidu sira baku vitima iha fatin BAR ida iha Lisidere. No arguidu sira Ministeriu Publiku akuza ba iha krime tentativa Omesidiu.

Arguidu sira ho inisial EFF, ATL, AMD, DO, TM, DA, JR, hafoin desizaun Tribunal aplika kedan prizaun preventiva ba iha sira, hodi hein prosesu investigasaun.

Hafoin desizaun, defeza husi arguidu sira nian Virna hateten, sira nia parte la konkorda ho desizaun nee, tanba nee sei hatama rekursu.

Ami nia kliente nain hitu, Tribunal aplika prizaun preventiva ba iha sira nain hitu, tanba provadus ba iha indisus neebe forte, no hare labele perturba publiku, tanba nee Tribunal aplika prizaun preventiva ba sira,” dehan Advogada Privada Virna.

Tanba nee, parte defeza la simu desizaun refere, sei hato rekursu ba iha Tribunal Rekursu tuir prazu neebe maka iha.

Primera interogatoriu nee, prezide husi Juis Singular Juiza Ana Paula, Ministeriu Publiku reprezenta husi Prokurador Renato Bere Nahak, arguidu sira hetan asistensia legal husi Advogadu Privadu. Informasaun kompletu iha STL jornal, edisaun Kuarta (05/12/2018). Terezinha De Deus

Facebook Comments

Leave a Reply

Your email address will not be published. Required fields are marked *