Arguidu Ida Hetan Prizaun Preventiva, Nain Hitu AP

Arguidu Ida Hetan Prizaun Preventiva, Nain Hitu AP

- in Krime
149
0
TTD1

Dili-Tribunal Distrital Dili, liu husi desizaun ba iha primera interogatoriu, aplika prizaun preventiva ba iha arguidu ida, no aprezentasaun periodika ba iha arguidu nain hitu.

Tribunal aplika prizaun preventiva ba iha arguidu ho inisial JSF, tanba deskonfia lori armas. Enkuantu arguidu nain hotu seluk, inisial TLVF, OSX, LRS, JL, NBM, BCC, no EB, tribunal aplika deit medida aprezentasaun periodika, hodi hein prosesu investigasaun.

Hafoin desizaun, tuir defeza arguidu sira nian, Sergio Lobo Junior hateten, husi arguidu nain hira nee, iha ida hetan prizaun preventiva. Maibe sei iha prosesu investigasaun, tanba nee sira nia parte sei hare ba medida nee.

Iha ida hetan prizaun preventiva, no restu husi nee hetan aprezentasaun periodika, kada fulan ida dala rua. Ministeriu Publiku promove sira, ba iha krime arma branka.  Sei iha prosesu investigasaun, maibe ida neebe hetan prizaun preventiva, tanba deskonfia lori armas, ida nee maka desizaun tribunal nian, ”dehan Advogadu Privadu nee ba Jornalista sira iha TDD Sexta, (15/02/2019).

Nia hatutan, konaba ida neebe maka hetan ona prizaun preventiva, husi parte defeza nian, sei buka meius oinsa, maka bele hare ba ida nee.

Salienta tan, konaba medida neebe tribunal aplika, nia parte labele koalia lai justu ka lae, maibe importante maka agora asegura ona sira nia direitu. Konaba medida nee sira nia parte sei hare, liu liu ba ida neebe hetan prizaun preventiva.

Tuir observasaun STL nian iha TDD katak, arguidu sira ba iha tribunal akompana husi polisia, no familia sira mos tuir hodi asiste. Notisia kompletu lee iha jornal STL edisaun Segunda (18/02/2019). Terezinha De Deus

Komentariu

Facebook Comments

Leave a Reply

Your email address will not be published. Required fields are marked *