Arguida Eis SEAK Nia Oan Mane Deklara, Sevisu Iha Komisaun La Liu Husi Konkursu

Arguida Eis SEAK Nia Oan Mane Deklara, Sevisu Iha Komisaun La Liu Husi Konkursu

- in Nasional
94
0
TTD1

Dili- Tribunal Distrital Dili Kuarta, (10/10/2018) kontinua rona sasin ba kazu eis Sekretaria Estadu Arte no Kultura (SEAK) Maria Isabel De Jesus Ximenes, neebe diskonfia komete krime pekulatu artigu 295, krime administrasaun neglijente artigu 275, no krime abuzu poder artigu 297 husi Kodigu Penal Timor Leste.

Testamuna Gregorio hanesan arguida nia oan mane deklara, nia halao servisu prinsipal iha komisaun atu hare prosesu instalasaun ba expozisaun iha Korrea do Sul, no iha instalasaun nee, servisu hamutuk ho Kordenador, lojistika no ekipa balu neebe desloka husi Timor ba, no balu mos hela permanente iha neeba.

Konaba prosesu rekrutamentu, hau maka husu ba iha Kordenadora Expo Isabel, atu tama ba ajuda iha komisaun, tanba nee kordenadora koalia diretamente ho Jil Alves, hodi halo kontartu ida hau asiona hodi ajuda servisu iha komisaun, maibe la liu husi konkursu, ”deklara testamuna iha sala julgamentu TDD Kuarta, (10/10/2018).

Testamuna mos iha konesementu konaba kareta neebe mak sosa, tuir nia deklarasaun kareta nee sosa hodi apoiu sira nia viajem, fasilita sira atu halao servisu.

Testamuna deklara, konaba osan lakon iha expozisaun nee, nia parte la hatene, maibe konaba osan atu sosa kareta nee, entrega diretamente hudi kordenadora ba expozisaun Isabel.

Rona tiha testamuna, Tribunal adia hikas ba loron seluk, hodi kontinua rona testamuna seluk.

Julgamentu nee preside hosi Juis Kolektiva Fransisca Cabral, Jose Maria Araujo, Maria Solana, Ministeriu Publiku reprezentate hosi Prokurador Jasinto Babo, Arguida hetan asistensia legal hosi Defensor publiku Rui Guterres. Notisia kompletu lee iha jornal STL edisaun Kinta (11102018). Terezinha De Deus

Facebook Comments

Leave a Reply

Your email address will not be published. Required fields are marked *