Arao:Partesipasaun Feto Ativu Iha Dezenvolvimentu

Arao:Partesipasaun Feto Ativu Iha Dezenvolvimentu

- in Nasional
32
0
download

DILI-Komemorasaun loron Mundial Feto, laos iha TL deit maibe Mundu tomak komemora  tanba organizasaun ONU nian ida maka funda,  tan nee TL mos hola parte iha komemorasaun nee. Liu husi komemorasaun nee feto sira bele partisipa ativu liu iha dezenvolvimentu rai laran, tanba iha TL diferenre entre feto ho mane kuaze laiha.

Hau nia parabens ba foto Timor Leste, liu liu sira neebe maka partesipa iha komemorasaun ida nee, no hein katak ho komemorasaun ida nee feto bele partesipa ativu diak liu tan iha politika, iha dezenvolvimentu atu nunee tau igualidade de jeneru nee sai daik no realidade,”dehan Prezidente Parlametu Nasional, Arao Noe ba Jornalista Kinta (07/03/2019) iha Parlamentu Nasional.

Nia mos afirma liu tan katak, iha TL dezenvolvimentu entre feto ho mane lao hela, tanba jornalista sira neebe fahe informasaun ba publiku nee, feto mos barak kompara ho mane kuaze hanesan, tan nee diferente entre feto ho mane kuaze laiha, maibe iha pratika uituan konaba kultura, no tradisaun maka sei iha, maibe fiar katak tempu ida sei lakon, tan nee feto tenke luta nafatin hodi halakon desigualidade.

“Ita haree dezefius barak neebe maka feto sira hasoru durante nee, ida maka kultura, no tradisaun nee rasik maka hodi tau feto sai numeru 2 iha familia ida nia laran, maibe sei lori tenpu atu halakontiha kultura sira hanesan nee, no agora komesa iha mundansa neebe makas ona, tan nee ba oin sei halo redusaun ba kultura sira nee,”dehan PPN.

Prezidente nee mos salienta liu tan katak, iha TL hahu iha mundasa tanba haree ba realidade feto nia valor hahu aas dadauk ona, maibe iha balun nee halo folin nee halo feto nia valor lakon, maibe laos ida nee, sira nia kultura rasik maka tau mane iha Diretu liu fali feto, tan nee kestaun ba tempu sei halo redusaun. Notisia kompletu lee iha jornal STL edisaun Sesta (08/03/2019). Madalena Horta/Guilhermina Franco

Facebook Comments

Leave a Reply

Your email address will not be published. Required fields are marked *