Arao Relata Serbisu ba PR

Arao Relata Serbisu ba PR

- in Politics
193
0
download (10)

Editor : Godinho Barros

DILI — Prezidente Parlamentu Nasional Arao Noe relata serbisu Parlamentu Nasional nian ba Prezidente Republika Francisco Guterres Lú Olo.

Hafoin enkontru ba Jornalista Prezidente PN dehan enkontru mensal neebe halao ho Prezidente Republika atu relata knaar no lalaok Parlamentu nia relasiona ho   Orsamentu Jeral Estadu 2020 neebe la pasa no atividade parlamentu nia neebe kontinua lao.

Iha plenaria segunda tersa no kuarta kinta iha audensia no fiskalizasaun lao nafatin nee katak parlamentu funsiona hela too agora, dehan Arao iha Palasiu Prezidente Bairru Pite, Kuarta (19/02/2020).

Arao informa atividade konaba komemorasaun tinan 20 neebe mak halo mos livru ida konaba referedum nian  ho  testamunha 59, inklui mos Prezidente Republika rasik.

Nia hatutan letra livru sei kiik demais difikulta ema atu lee tanba nee tenke halo fali publikasaun foun, nee informa mos ba Prezidente Republika.

Lolos haruka ona mai iha Prezidente Republika, maibe seidauk tanba sei halo produsaun foun fali ba livru nee atu nunee ema hotu bele lee, tenik Arao.

Preparasaun ba komemorasaun tinan 20,  Konstituisaun RDTL aprova iha 20 de Maiu 2002, Konstituisain vinkula kria ona ekipa tekniku ida  informa ba Prezidente Republika, tanba iha momentu neeba PR hanesan mos Prezidente Parlamentu Nasional autor halo konstituisaun  no  adianta tinan rua antes.

Nia relata katak preparasaun ba tinan 20 nee diak liu halo transkrisaun ba debate konstituisaun nia inisiu too fim para nunee bele rai hanesan livru ida no hanesan memoria atu nunee hotu hotu bele asesu, nunee mos iha duvidas ruma konaba konstituisaun bele korkore iha neeba no deskreve proposta.

Arao sublina ema neebe mak aprezenta proposta bele esplika nia justifikasaun atu nunee bele iha klareza ba pontus sira neebe mak iha difikuldade konaba interpretasaun, ida nee mak inisiativa parlamentu halo relasiona ho komemorasaun tina 20  restaurasaun no Konstituisaun Republika Timor Leste nia vigor  .

Prezidente Republika Francisco Guterres Lu Olo apresiza ho Parlamentu Nasional nia, mesmu iha impase, parlamentu hanesan segundu orgaun soberanu funsiona nafatin ho diak.

Xefe Estadu husu deputadu no deputada sira atu kontinua  kontribui establiza fali situasaun politika neebe mak agora lao. Prezidente Republika konkorda no hakarak kontribui fintura livru nian. Rep : Emerenciana Pinto

Komentariu

Facebook Comments

Leave a Reply

Your email address will not be published. Required fields are marked *