Aprova Duadesimu, Tenke Uza Tuir Regras

Aprova Duadesimu, Tenke Uza Tuir Regras

- in Nasional
798
0
Arao

DILI – VII governu liu husi Konsellu Ministru aprova ona orsamentu Duadesimu, opozisaun husu uza tuir Regras, iha artigu 31 kona ba lei jestaun finanseira.

Lia hirak nee hatoo husi Xefe Bankada CNRT Arao Noe katak, kona ba governu liu husi Konsellu Ministru, aprova ona orsamentu duadesimu, atu hodi ezekuta, importante mak tenke tuir regras. Nunee sira opozisaun sei hakarak haree, uza orsamentu nee tuir regras kalae, neebe tuir regras sei suporta para fo finansiamente ba estadu nia moris.

Ami hakarak hatete katak kona ba kontratu duadesimu nee tenke halo fulan-fulan, labele halo kontratu liu husi fulan-fulan, i uza tenke tuir regras artigu 31 lei jestaun finanseira,” katak Arao ba Jornalista Sesta (12/01/2018) iha PN.

Nia hatete, orsamentu nee ezekuta iha Janeiru nia laran mak hotu, osan nee tenke fila fali ba kofre estadu, labele rai hela iha ministeriu sira. Nee hanesan regras neebe governu halo. Sira mos sei halo apresiasaun ba ida nee, liu husi bankada kuandu dekretu nee governu fo sai, sira sei haree para atu haree orsamentu nee lao tuir duni artigu 31 kalae.

Iha fatin hanesan Portavos ou Sekretaria PN Lidia Norberta hatete, kona ba orsamentu duadesimu neebe mak husi parte governu aprova ona iha Konsellu Ministru, sira mos rona ona informasaun nee. Maibe husi parte PN seidauk simu informasaun klean liu kona ba asuntu nee. Guilhermina Franco

Facebook Comments

Leave a Reply

Your email address will not be published. Required fields are marked *