Aprezentasaun Programa Governu Sasan Lafolin

Aprezentasaun Programa Governu Sasan Lafolin

- in Metro
126
0
Faan OB

DILI – Aprezentasaun Programa no Planu prioridade Governu nian iha Parlamentu Nasional nee, sai hanesan impedementu ba atividade negosiu iha baze, tanba komprador barak tauk ho situasaun politik neebe lao iha rai laran, entaun halo negosiante barak iha Dili sira nia produtu la folin iha merkadu.

Atividade negosiu labele lao diak, hahu kedas iha Elisaun Parlamentar no agora aprezentasaun programa governu nian iha Parlamentu Nasional nee, ninia impedementu makas mai iha, ami nia atividade negosiu tanba komprador barak maka la mai vizita ami nia atividade tanba tauk ho situasaun politik nee lao dadauk iha rai laran,” informa negosiante Manuel Correia Godinho Ba STL Kuarta (18/10/2017) iha nia knar fatin Aimutin.

Nia mos informa liu tan katak, povu iha rai ida nee presiza moris iha paz no establidade nia laran, tanba povu barak maka sente tauk ho situasaun iha rai laran, relasiona ho aprezentasaun planu governu nian ba iha PN no povu sente tauk tanba haree ba politik neebe lao la han malu, tan nee hanesan povu kiik nafatin husu ba lider sira katak, semak atu ukun nee ukun deit ba, importante maka povu hakmate iha paz nia laran.

Nia mos husu ba Partidu sira neebe maka hetan asentu parlamentar nee, atu apoiu planu governu nian neebe iha, ho nunee bele kria paz no establidade ba povu iha rai doben ida nee, tanba povu lakohi atu moris iha terus nia laran.

Iha fatin hanesan Almira de Jesu Alves, hanesan negosiante hateten, negosiante sira neebe maka durante nee halo, atividade negoisiu iha fatin ida nee (Reed Aimutin) balun la mai tiha ona tanba tauk relasiona ho komentariu barak iha publiku konaba situasaun rai laran, katak problema sei mosu tan fali.

Ami povu kiik nee hakarak moris hakmatek no lakohi rona tan problema, boot sira bele hadau malu kadeira no poder, importante maka povu moris hakmatek, ami povu kiik buka maka han ho hemu fo oan ba eskola. Boot sira goza osan boot no tur iha fatin neebe malirin, fulan too ba foti osan, maibe povu ain tanan kontinua buka hakdasak maka foin hetan,” informa nia.

Tuir Observasaun STL nian iha Terenu haree katak negosiante sira neebe halo atividade iha Ai Mutin nee, barak maka taka hela sira nia fatin negosio, relasiona ho situasaun neebe lao dadauk iha rai laran, halo povu barak maka sente tauk hodi hapara sira nia atividade. Madalena Horta

Facebook Comments

Leave a Reply

Your email address will not be published. Required fields are marked *