Aplika Tir Ba Importa Droga, Adriano: Halimar Preokupasaun Mundial Ema Kestiona Nasaun TL

Aplika Tir Ba Importa Droga, Adriano: Halimar Preokupasaun Mundial Ema Kestiona Nasaun TL

- in Nasional
122
0
PN

DILI-Durante nee preokupasaun publiku makas ba desizaun tribunal Aplika Termus Identidade Rezidensia (TIR) ba Arguidu importa droga, ida nee Deputadu Adrino hatete, se halimar ho preokupasaun mundial, ema seluk kestiona nasaun Timor-Leste, tanba nasaun seluk hanesan aplika pena morte.

Kestaun nee hatoo husi Membru Komisaun A, atual Vice Bankada PD Deputadu Adriano do Nascimento hatete, kona ba kestaun droga nee kualker lei ida lafraku, lei iha hela so intesaun ka vontade nee mak sai problema, se lei diak maibe vontade lakohi prevene nee mak blok malu, nia fo ezemplu hanesan relatoriu KIP nian nee lei iha hela maibe tanba biokota malu nee mak sai problema.

Neebe kestaun droga se lei iha maibe intensaun mai atu proteje nee mak kestaun mentalidade neebe presiza iha mudansa mentalidade, se mentalidade no moral politika mihis, no laiha patriotizmu  ba rai ida nee mak sai hanesan nee.

Ita lahadomi rai ida nee, mak ita halo buat ida para povu sira preokupa ba kontra lei, i ita haree husi liur ema lori droga iha fatin neebe deit kuandu kaer  ka tankap basah ema importa droga nee labele husik, hanesan iha Malaysia, Singapura ema  tangap basah hanesan nee ema oho, maibe ita nian husik hela nee tanba kestaun nasionalizmu, moralidade ita nia sensibilidade lider sira nia atu haree ba kestaun sira nee, se ita halimar ho preokupasaun mundial hanesan droga, mak ema husi nasaun seluk mos kestiona kona ba ita nia nasaun rasik,” hatete Adriano ba Joranlista Kaurta (24/04/2019) iha PN.

Nia dehan, sira  halao debate ida kona ba brankamentus kapitais tekniku asesor internasional balu hatete informasaun katak roo neebe tama iha Timor ba fali America sira lasimu, ida nee hatudu imajen ladiak, tanba  kestaun importa droga. Neebe tuir los tenke  sensivel atu kombate kestaun droga. Tanba lei iha hela, so ke mentalidade no moral i nasionalizmu mak sai problema.

Nunee  mos Segundu Vice Prezidente Parlamentu Nasional (PN)  Luis Roberto hatete, kona ba importasaun droga mai iha rai laran, lori ba iha ministeriu justisa liu husi tribunal ikus mai aplika TIR, ida nee  kompetensia justisa nian, maibe tuir sira komisaun B nia haree laloos. Tanba nee husu nafatin ba orgaun kompatente atu haree, sidadaun se deit mak importa droga mai rai laran, tenke aplika sansaun todan tanba nee kazu krime. Bainhira ema importasaun droga ho evidensia forte aplika TIR nee  justisa laloos. Guilhermina Franco / Madalena Horta

Komentariu

Facebook Comments

Leave a Reply

Your email address will not be published. Required fields are marked *