Antes Sai Membru Governu, PM Tenke Husu Lista Ba KAK

Antes Sai Membru Governu, PM Tenke Husu Lista Ba KAK

- in Nasional
341
0
1604382_1033057823486533_1559829927161377424_n

DILI- Atu hadia prestasaun servisu maka oportunidade tenke hahu agora, karik AMP fo fiar ba Taur Matan Ruak maka sai Primeiru Ministru, antes atu deside ema ba iha Ministeriu, Vice Ministru ou Sekretariu estadu tenke husu lista ba iha Komisaun Anti Korupsaun KAK, no Ministeriu Publiku, atu nunee bele hatene ema nee iha kazu ka lae.

Kestaun nee fo sai husi Diretur ezekutivu Luta Hamutuk, Jose Alves ba STL, Tersa (05/06/2018) iha nia knar fatin Farol Dili.

Hau hanoin Formasaun governu ida neebe atu diak  ba oin hodi povu nia moris maka, bain hira atu monta ema ida tuur iha Governu tenke husu uluk lai lista ruma husi KAK, no Ministeriu Publika, atu nunee bele hatene lolos semak komete ona kazu ruma maka, la merese sai membru Governu tanba, povu nia hakarak nee governasaun nee tenke moos, governasaun neebe efetivu atu nunee bele responde povu nia preokupasaun,”dehan Diretur ezekutivu Luta Hamutuk.

Nia mos informa liu tan, karik partidu ida idak hakarak defende nia ema, maske ema nee komete ona kazu ruma maibe sira depende no husik nafatin atu ba tuur iha Governu maka susar atu hadia povu nia moris.

Iha parte seluk Xefe estadu Maior Jeneral F-FDTL, Maijor Jeneral Lere Anan Timur hateten, postura governu foun liu liu ema neebe atu tau iha Ministru Defeza no Siguransa nee, tenke fo Ministru ida neebe maka kompriende konaba servisu Militar nian, no labele tau kujuneiru ba fali kondutor nee la diak. Notisia kompletu lee iha jornal STL edisaun Kinta, (07062018). Madalena Horta/Sonia Ferreira

Facebook Comments

Leave a Reply

Your email address will not be published. Required fields are marked *