Aniversario PNTL Dala XIX, Lu Olo: Haree Mudansa Hametin Sistema Seguransa Modernu

Aniversario PNTL Dala XIX, Lu Olo: Haree Mudansa Hametin Sistema Seguransa Modernu

- in Nasional
60
0
PR

DILI– Realiza Aniversario PNTL Polisia Nasional Timor Leste ba dala sanulu resin sia, inklui mos fo posse ba Komisario Faustinho Da Costa, no Segundu Komanante Mateus Fernandes, Presidente Republika Fransisco Guterres Lu-Olo presiza haree mudansa PNTL atu hametin Sistema Seguransa Modernu.

Kestaun nee hatoo husi Presidente Republika Fransisco Guterres Lu-Olo,  liu husi diskursu kuarta feira 27/03.  Iha Centru Polisia Comoro hateten, Polísia Nasionál hanesan instituisaun ida neebé importante tanba kontribui i defende direitus  liberdades no garantias sidadaun sira-nian, atu halao justisa no harii kondisaun hirak neebé garante ukun diak.

Iha loron aniversáriu Polísia Nasionál Timor-Leste  ba dala sanulu resin sia, hau hakarak, nuudar Prezidente Repúblika, hatoo ami hot hotu ninia agradesimentu ba Instituisaun Polísia no ninia membru hot hotu. Ami hatene katak, loron-loron Ita-Boot sira servisu ita-nia país ho dignidade, kuidadu no dedikasaun, liu hosi servisu hirak neebé kontribui ba sidadaun sira-nia seguransa no moris-diak. Ohin loron diak ida mós atu hanoin klean ba saída mak ita halo ona no haree sá mudansa mak ita presiza halo atu hametin sistema seguransa  modernu ida,  iha  ita-nia rai-laran” katak Presidente Republika Fransisco Guterres Lu-Olo.

Presidente Republika hateten,  mudansa mosu beibeik no lalais deit, ezemplu ida mak prosesu mudansa kargu xefia, akontese dadaun  iha Polísia Nasional, ida nee prosesu baibain ida, maibé presiza tempu atu prepara banhira mandatu ida ramata. Bainhira hot hotu simu mudansa ida nee ho espíritu tulun malu, tranzisaun servisu hosi Komandu uluk ba Komandu foun lao ho hakmatek no diak.

Xefi Estadu nee hateten Nuudar Komandante-Jerál Polísia Nasionál Timor-Leste nian, Komisáriu Faustino da Costa simu knaar aas liu iha hierarkia Polísia nian, iha konjuntura ida neebé laós fásil tanba hasoru hela mudansa klean. Nuudar Prezidente Repúblika, “Hau hatoo hau-nia votus susesu ba Ita-Boot nia misaun foun nee, Hau hatoo mós hau-nia votus susesu ba Segundu Komandante, Komisáriu Mateus Fernandes” katak nian

Nunee mos Komisario PNTL Faustinho Da Costa,  liu husi diskursu hatutan hatutan ohin nian hamutuk ho nian segundu komanante mateus fernandes lidera instituisaun PNTL maibe sei iha komanante seluk maka lei no orden. Notisia kompletu lee iha jornal STL edisaun Kinta  (27/03/2019). Emerenciana Pinto/ Guilerminha Franco

Komentariu

Facebook Comments

Leave a Reply

Your email address will not be published. Required fields are marked *