Animal Mate Iha Fat-fatin, Pekuariu Presiza Fo Atensaun

Animal Mate Iha Fat-fatin, Pekuariu Presiza Fo Atensaun

- in Distritu
790
0
pekuaria

DILI-Oras nee dadaun, komunidade nia animal hakiak komesa mate iha fat-fatin. Husu Departementu Pekuaria, Ministeriu Agrikultura no Peskas (MAP) presiza fo atensaun. Buka meus hodi evita animal mate.

Preokupasaun nee hatoo husi deputadu Manuel de Carvalho ba STL iha Uma Fukun PN, Dili, Kinta (12/10/2017). “Ita lahatene los, tansa animal hakiak mate iha fat-fatin. Ministeriu kompetente presiza buka hatene, moras saida mak halo animal mate iha fat-fatin. Presiza buka aimoruk hodi kura,” hateten Manuel de Carvalho.

Nia fo preokupasaun ba problema nee tanba maioria povu Timor Leste hakiak animal (karau, bibi, manu, fahi, asu, kuda, nst) hodi faan. Karik iha uma ida, sira nia iha fahi 4 ka 5 mate hotu, sira lakon boot. “Hau husu parte pekuaria tenke kontrola,” nia dehan.

Atu hatene lolos ninia kauza, parte Pekuaria tenke hatun ekipa hodi halo

Inspeksaun iha terenu. Presiza sona aimoruk ba animal sira, para evita moras no mate. Se lae, komunidade sira nia animal, bele mate hotu.

Husi fatin ketak, membru CCI-TL Joao da Costa rekoinese problema animal mate nee. I nia haree, setor privadu barak maka hakiak animal, liliu hakiak fahi no bibi. Maibe oras nee dadaun, animal komesa mate iha fat-fatin iha munisipiu.

“Hau hanoin Ministeriu kompetente neebe toma konta konaba animal nian nee, tenke tun ona ba baze, lori mos ai moruk animal nian hodi sona, selae maka ita nia animal sira neebe hakiak iha foho sira nee bele mate hotu tan nee tenke halo, prevensaun lalais,” nia dehan. Madalena Horta

Facebook Comments

Leave a Reply

Your email address will not be published. Required fields are marked *