Amu Parokia Hera, Sei Halo Sorumutu Ho Kongregasaun 11

Amu Parokia Hera, Sei Halo Sorumutu Ho Kongregasaun 11

- in Distritu
2894
0
Amo Hera

HERA – Amu Parokia Hera, Postu Administrativu Cristo-Rei, Munisipiu Dili, Pe. Jose Tasain dehan iha tempu badak sei halao vizita ba sarani sira iha ninia paroquia laran nudar bibi atan uma kreda nian no sei halao sorumutu ho Kogregasaun 11 neebe ejiste iha Hera.

Informasaun nee hatoo husi Amu Paroquia Hera, Pe. Jose Tasain ba STL iha ninia rezidensia Igreja Hera Domingo (22/10/2017). Nia dehan katak, sorumutuk nee nudar Amu Parokia halo ho objetivu atu bele trasa planu Parokia ba tinan foun 2018.

Planu dahuluk neebe maka oras nee dadaun hau trasa ona nee maka nee, primeru sei halao sorumutu ho relijiozus-reliziozas neebe maka partensia iha Parokia Hera husi kongregasaun hamutuk 11maka hanesan kongregasaun Claretiano, Carmelitas, Canosiano, Frater CMM, Jejuita, SVD, Somlades, Carmelita, Dominicana, SSPS, Franciscana, nomos kongregasaun balu neebe sei harii sira nia kongregasaun iha Hera.

Pe. Jose dehan ninia prezensa iha Hera hanesan amu Parokia foun konsege halao ona surumutu ho katekista sira iha Hera hodi trasa planu hamutuk ba programa parokia ninian nudar ajensia uma kreda iha hera.

Hau nia prezensa iha Paroquia Hera hanesan amu paroquia foun, konsege hasoru malu ona ho katekista sira iha Hera, neebe mai husi bairo-bairo halao sorumutu iha Igreja Parokia Hera, halao enkontru ho Konsellu Pastoral Parokia, hodi hanoin hamutuk saida maka atu halo hamutuk iha Parokia Hera ba sarani sira,”tenik nia.

Nia hatutan, liu husi sorumutu ho Konsellu Patoral Parokia Hera, nudar Amu Parokia sei halao vizita ba sarani tomak iha Hera, liu-liu iha sira nia Bairu ho objetivu atu rona informasaun dahuluk hodi trasa planu Parokia nian ba futuru.

Hau hanoin sarani sira, presiza bibi atan uma kreda iha sira nia leet, tanba nee nudar Amu Parokia foun, sempre hakraik an iha sarani sira nia leet, sei tama sai iha bairo-bairo, hodi rona saida maka sarani sira hatoo ba amu Parokia foun. Ita haree realidade moris iha mundu nee, Igreja importante teb-tebes ba ema hotu-hotu, tanba prezensa Igreja liu husi Amu sira, Madre sira nomos ajensia Pastorais iha povu nia leet, nee mensajen moris atu nunee bele hametin diak liu tan, sarani sira nia fiar, atu nunee hakbesik ita nia moris ho Maromak, liu husi selebrasaum misa domingo-domingo, ka fulan Rosario, no selebrasaun Santo no Santa ou Padroira sira,  kada fulan neebe Igreja selebra, atu hadiak diak liu tan ita nia moris,” dehan Pe. Jose Tasain.

Nia hatutan, nudar bibi atan uma kreda, husu ba sarani no povu Timor oan tomak no iha mundu rai klaran, atu kria nafatin Paz, unidade no estabilidade iha rai Timor tanba ho estabilidade no paz bele hametin diak liu tan fiar ba maromak no bele habelar liu tan domin no karidade hanesan maromak hadomi no sarani sira hadomi an rasik.

Iha fatin ketak Tia Francisca Soares nudar sarani Parokia Hera sente kontente teb-tebes tanba hetan tan amu Parokia foun neebe foin lalais troka amu parokia Hera.

Ami sente kontente teb-tebes tanba hetan amu parokia foun nudar bibi atan Uma Kreda nian, atu servi ami sarani Hera iha uma kreda,”tenik nia.

Tuir observasaun STL iha Igreja Parokia Hera, sarani sira loron-loron sempre ba vizita amu Parokia iha Uma Kreda Hera ho misa kada loron Domingo. Joseph Koa

Facebook Comments

Leave a Reply

Your email address will not be published. Required fields are marked *