AMP Kestiona Membru VII Governu Ba Deputadu

AMP Kestiona Membru VII Governu Ba Deputadu

- in Nasional
295
0
PN

DILI– AMP kestiona ho membru deputadu balu neebe eleitu iha V lejislatura, hanesan PD nian balu mai husi membru VII governu, tanba labele assume funsaun 2.

Perokupasaun nee hatoo husi Deputada CNRT Carmelita Moniz katak, husu para atu hapara ona violasaun ba rejimentu, violasaun ba regras demokratiku sira, tanba nee nia husu para atu hapara ona violasaun sira nee, liu-liu ba  rejimentu artigu 68 numeru 2 hatete os deputadu prezente nao pode deixar i votar  sem  prezuizu direitu de abstensaun.

Koalia kona ba regras demokratikus i kompatibilidade, tanba nee hau  parte respeitu ba deputadu Adriano, Asanami, Antonio, tanba ami seidauk haree karta ida kona ba suspensaun ba sira nia knaar nudar membru governu hodi mai tuur hanesan deputadu iha PN,” katak Carmelita iha intervensaun sesaun plenaria extraordinariu  Kinta (21/06/2018).

Nia afirma tan, mai tuur iha PN hodi halo intervensaun hanesan deputadu, i agora dadaun mos kaer pasta hanesan hela membru governu, tanba nee nia hakarak husu atu respeita regras, tenke fo uluk karta suspensaun  ba mak mai tuur hanesan deputadu, atu nunee labele halao knaar  ba kargu 2 hanesan membru governu no membru deputadu.

Hatan ba kestaun nee deputadu Antonio da Conceicao, atual Xefe Bankada PD, hanesan mos Ministru MCI hatete,  mai tuur  hanesan deputadu iha PN, tanba nia halo ona karta suspensaun hatoo ba  Primeiru Ministru (PM) hodi dehan katak hahu husi dia 13 Junnu  asume funsaun  hanesan ona deputadu eleitu hodi mai presta juramentu iha PN. Notisia kompletu lee iha jornal STL edisaun Sesta (22062018). Guilhermina Franco

Facebook Comments

Leave a Reply

Your email address will not be published. Required fields are marked *