AMP Estraga Malu, Ikus Divorsiu

AMP Estraga Malu, Ikus Divorsiu

- in Politics
33
0
L7

DILI-Aliansa Mudansa ba Progersu (AMP), estraga malu nunee sira divorsiu, hodi rezulta proposta OJE 2020 laliu.

Informa Deputadu Bankada PLP Cornelio Gama L7, ba STL Segunda (20/01/2019) iha PN.

Hau hanoin haree ba OJE 2020 nee atu koalia kona ba hadia nasaun, maibe ohin loron ita impede OJE ba nasaun ida nee, ida nee ami iha AMP mak estraga malu ou estraga governu, neebe AMP  uluk lahanesan agora, tanba ami divorsiu ona nee mak halo proposta OJE nee lapasa iha jeneralidade, hatete Deputadu PLP nee.

Nia hatete, OJE 2020 nee primeiru haruka  mai PN, maibe haruka retira, depois lori fali mai ho montante billaun 1.668, maibe nee mos dehan ladiak hotu, tanba nee lapasa iha PN. Neebe desizaun agora iha PR atu oinsa buka dalan atu ba Eleisaun Antisipada, ka atu forma governu foin nee kompetensia PR.

Ami iha AMP nee ami atu koalia tan sa, tanba ami uluk hamutuk, maibe agora ami fahe malu, hanesan feen laen karik ami divorsiu ona, nee lahalo nasaun nee sai diak, tenik nia.

Nia fo ezemplu sira AMP nee hanesan fen ho laen karik, sira soe malu ona, ou divorsiu ona. Sira 65 iha PN nee lahanoin povu nia moris, maibe hanoin deit katak sae boot, simu osan boot, maibe ba povu sira terus nafatin, tanba sirkulasaun osan iha baze laiha, investimentu.

Tuir nia, deputadu sira neebe vota kontra nee tanba sira lagosta PR, lagosta PM, no lakohi osan bilaun 1.668, tanba nee mak sira vota kontra, maibe ba PLP ho Khunto afavor, neebe buat hotu agora hein deit desizaun husi PR.

Tuir haktuir,  haree ba rezultadu votasaun nee Khunto ho PLP lao hamutuk, CNRT lao hamutuk fali ho Fretilin, neebe oinsa mak osan nee atu pasa, neebe ba oin hein deit PR sei foti desizaun.

Nunee mos Deputadu PD Mariano Asanami hatete, iha 60 dias nia laran atu hodi haree fali karik sira intende malu iha aliansa foun ka lae, ou ida nee  PM haree karik iha dalan ruma, aprezenta fali osan.

Maibe iha artigu 112, koalia kona ba demisaun governu, nee hau hanoin politika sira buka halo dialogu, depois PR mos presiza mais aktivu atu bolu politika hodi buka solusaun, katak nia.

Entretantu ho situasaun nee Jornalista sira koko komfirma ba Prezidente PN Arão Noe, maibe nia laiha Komentariu.* Guilhermina Franco /  Jeniche  da Costa

Komentariu

Facebook Comments

Leave a Reply

Your email address will not be published. Required fields are marked *