Ambulansia Aat, Pasiente Tula Ho Motor

Ambulansia Aat, Pasiente Tula Ho Motor

- in Distritu
124
0
australian-ambulance

DILI-Ambulansia iha Centru Saude Ermera Vila, Munisipiu Ermera, kleur ona aat. Kleur ona la hadia. Pasiente lori ba Centru Saude Ermera Vilha tula deit ho motor. Informasaun nee hatoo husi membru Bankada PD Paulino Monteiro iha plenari PN, Tersa (14/3/2017).

Foin lalais nee nia ba Ermera Vilha. Nia hamrik hela iha dalan ibun, nia haree motor ida tula pasiente. Pasiente nia liman no ain hali’is hela ba sorin, motor halai haree todan teb-tebes. Lakleur idabe tula pasiente ho motor nee hakilar, “deputadu haree tok, ambulansia laiha ami tula moras ho motor”. Motor halai lalos, pasiente tuur lametin.

Nia husu Sekretaria Estadu asuntu Parlamentar, Teresinha Maria Viegas kontinua hatoo informasaun nee ba Ministeriu Saude para fo importansia ba Centru Saude Ermera Vilha.

Membru Bankada NCRT Agustino Lay hateten, problema iha Ministra Saude nian nee, sira hakilar dala barak ona iha Parlamentu Nasional. Ministra Saude dala hira ba PN no promete katak, ba oin sira sei resolve problema hirak nee maibe problema kontinua akontese.

Nudar servidor povu, haree ema mate tula ho motorizada no ema moras tula ho motor, sira nia sentimentu oinsa. Nia husu Sekretaria Estadu Asuntu Parlamentar, Terezinha Maria Viegas fo atensaun ba  Ministra Saude tanba problema Ministeriu Saude nian nee akontese dala barak ona. Augusto da Costa

Facebook Comments

Leave a Reply

Your email address will not be published. Required fields are marked *