Alterasaun LPV, Kompetensia AMP

Alterasaun LPV, Kompetensia AMP

- in Politics
32
0
Fabião de Oliveira

DILI-Halakon pensaun vitalisia nuudar kompromisiu eleitoral iha kampana, tan nee atu halo alterasaun ba Lei Pensaun Vitalisia kompetensia Aliansa Mudansa ba Progresu (AMP)  iha Parlamentu Nasional (PN).

Tuir Deputadu Fabião de Oliveira husi Bankada FRETILIN  alterasaun Lei Pensaun Vitalisia (LPV), kompromisiu eleitoral  iha kampana, tan nee  AMP mak inisia atu halo alterasaun ba Lei pensaun vitalisia. “Ami lakohi tama kanuru tohar iha sira bikan laran,  sira duni promete ba povu katak ami manan ami halakon PV, agora dadauk tenke halakon,” dehan Favião ba Jornalista iha PN, Kuarta (04/12/2019).

Deputadu nee afirma katak, AMP propoin fila fali dehan katak, PV nafatin problema sira nian, tan nee bankada Fretilin, apoia totalmetente kuandu  hakarak hatun ka halakon pensaun vitalisia.

Sira rasik mak koalia, sira rasik mak halakon,  ba ami la iha problema, afirma Fabio.

Tuir nia maioria iha parlamentu nasional bele halo lei,  maibe kestaun tanba sa la halo proposta lei ida kona ba alterasaun pensaun vitalisia.

Laos FRETILIN nia sala, se sira sente maioria halo proposta de lei ida atu halo alterasaun ba lei pensaun vitalisia, laos ba fali partidu parlamentu  mak halo mas, se sira sente absoluta maioria bele halo alterasaun  ba pensaun vitalisia, arumenta Fabio.

Iha fatin hanesan Deputadu, Patricino Fernandes husi Bankada CNRT dehan Lei PV nee direitu arkiridu, needuni governu iha obrigasaun tau nafatin atu sustensa vida eis titularis sira nian. Bainhira lei nee seidauk halo alterasaun tanba agora dadaun lei nee sei envigor tanba nee governu neebe deit sae nia iha obrigasaun kumpri lei PV.

Kumpromisiu AMP iha kampana atu halakon PV ida nee, prosesu sei lao, laos buat hotu fasil hanesaan fila liman, tenik nia.

Patricino hatutan atu halakon pensaun vitalisia sei liu husi prosesu ruma, tanba estadu atu trata ida nee presiza atu hanoin, tanba ema sira hetan PV nee sira nia direitu, tanba servisu ba nasaun, laos tuur hanoin halo deit.

Tuir nia, ema sira neebe hetan PV nee mesak sidadaun Timor oan, direitu hanesan mos ema sira seluk. Maibe atu halo alterasaun sei hare no estuda nia implikasaun ba estadu,  negativu no pozitivu iha neebe. Luciana Ximenes/Guilhermina Franco

Komentariu

Facebook Comments

Leave a Reply

Your email address will not be published. Required fields are marked *