Alkatiri, Taur Ho Xanana Laos Kandidatura Para Kritika Malu

Alkatiri, Taur Ho Xanana Laos Kandidatura Para Kritika Malu

- in Nasional
541
0
119983512

DILI–  Lider Politiku sira hotu-hotu apoiu kandidatu Prezidente halo diskursu iha kampania sukat sira nia lia fuan, tanba lidar politiku hanesan Mari Alkatiri, Taur Matan Ruak ho Xanana Gusmao sira nee laos kandidatura Prezidente, maibe sira maka kritika no hatun malu nee lalos.

Tuir Eis Prezidente Jose Ramos Horta katak dalabarak Horta halo apelu ba lider politiku sira hotu-hotu apoiu kandidatu sira, atu sukat sira nia deskursu, se hakarak manan elisaun ba Presidensial no Parlamentar, laos manan atu hatun fali lider seluk no kandidatu seluk, maibe atu manan hare oinsa atu bele konvense eletores sira hodi esplika programa sira.

Laos ema neebe la tama kandidatu, maibe naran mos tama hodi kritika malu, nee laos Mari Alkatiri maka kandidatu,Taur Matan Ruak laos kandidatu no Xanana mos laos kandidatu, maibe sira maka raut malu fali, tanba nee hau husu diak liu konsentra deit ba koalidades neebe  hau nia tiun Lu-Olo nia, kolidade saida maka tiu Lu-Olo iha para bele ba Prezidente,” hateten Horta, ba Jornalista sira, hafoin remata Konfrensia imprensia konba Tour de Timor, iha Timor Loog, Kampung Baru, Kuarta (15/03/2017).

Eis Prezidente nee mos aumenta tan katak Kandidatura Lu-Olo ema neebe diak tebes, ema funu nain durante tinan 24 nia laran, nee la iha ema ida maka bele hasai ida nee, sai prezidente Parlamentu ema neebe ho equilibru ho dignidade.

Nia mos gava partidu PD iha kandidatu ida Antonio da Conceição ema ida estuda diak, uluk mos terus iha foho, iha tempu funu nia, serbisu iha Embaixada Amerika, manan esperensia iha Internasional, nia koalia lia fuan moa los, lian Engelis, Portuges, Bahasa diak los no sai Ministru Koordinador asauntu Sosiais no Eduksaun.

Horta mos gava Prezidente Republika Taur matan Ruak tanba serbisu diak, iha tinan lima nia laran nia fo indultu 4 deit ba ema prizionierus sira, tanba nee tenke hare tuir. Joao Anibal/Joao Fatima

Facebook Comments

Leave a Reply

Your email address will not be published. Required fields are marked *