Alkatiri: Ema Balu Halo kampana Uza Bandeira FRETILIN-CNRT

Alkatiri: Ema Balu Halo kampana Uza Bandeira FRETILIN-CNRT

- in Nasional
437
0
Alkatiriiiiiiiiiiii

MANATUTO-Kampana ba dala sanuluh resin ida iha Munisipiu Manantuto, Sekertariu Jeral partidu FRETILIN Mari Alkatiri hateten, kampana nee lao oin seluk fila fali, tanba halo kampana uza fali bandeira FRETILIN no bandeira CNRT bainhira kampana nee laos CNRT no FRETILIN nian.

Hahu husi Ermera ba Covalima, Manufahi, Ainaro, Aileu no fatin hotu hotu, ohin mai iha Manatuto ita lahatene los tasi maka sae ka mota maka tun ema barak, tanba nee nee maka agora kampana nee lao oinseluk fila fali, halo kampana uza fali bandeira FRETILIN no bandeira CNRT bainhira kampana nee laos CNRT no FRETILIN nian,” dehan Sekjer FRETILIN Mari, liu husi diskursu, bainhira iha kampana kanprez Lu-Olo, iha Munisipiu Manatuto, Tersa (14/03/2017).

Sekjer Mari hateten, Halo kampana ba Prezidente Republika kolia fali asuntu Governu nian, hatudu momos katak lahatatene saida maka nia hakarak. Ema balu tuir Sekjer Mari katak, bolu sira aan aktivista direitus humanu, maibe tanba politika nee maka direitus humanus nee kal halai lakon tiha ona halo deklarasaun diskriminasaun.

Sekertariu Jeral partidu FRETILIN Mari Alkatiri hateten, Kampana ida nee atu ba rohan ona, no kampana ida nakonu ho provas katak, kandidatu Prezidente Republika Francisco Guterres Lu-Olo sei manan iha permeira ronda, tanba ema barak maka partisipa.

Iha fatin hanesan Kanprez Francisco Guterres Lu-Olo hateten, bainhira eleitu husi ponta leste ba to Bobonaro no Oecusse, Lu-Olo sei kumpri deit nia kompetensia ho lolos.

Entretantu membru CNRT Antonio Cerpa hateten, Kandidatura Prezidente Republika laos atu ba hato fali programa Edukasaun, Saude, bee mos, tanba nee programa Governu nian. Carme Ximenes

Facebook Comments

Leave a Reply

Your email address will not be published. Required fields are marked *