Alfonso Lopes Simu Tomada de Pose Husi PR

Alfonso Lopes Simu Tomada de Pose Husi PR

- in Nasional
61
0
Lu Olo-kandidatu

DILI– Prezidente Republika Francisco Guterres Lu Olo, fo pose ba Alfonso Lopes hodi asumi knar hanesan Adjuntu Prokurador Jeral Republika, troka Zelia Trindade nia fatin.

Iha diskursu Prezidente Republika Francisco Guterres Lu Olo hatete, Ministeriu Publiku, instituisaun neebe reprezenta Estadu, ezerse asaun penal, asegura defeza ba menor sira, ema nebe auzente no inkapas, defende legalidade demokratika no promove atu ema hotu hakruuk  ba lei.

Ita halibur iha fatin ida nee hodi testemuna Prezidente Republika fo posse ba membru importante ida ba estrutura Prokuradoria Jeral Republika. Tuir Estatutu Ministeriu Publiku nian posse nee atu obrigatóriu ida molok hahu knaar iha Prokuradoria. Nunee, husi ohin ba oin, ita iha ona Adjuntu foun ida ba Prokurador Jeral Republika no sei ba iha Dotora Zelia Trindade nia fatin, neebe mandatu hotu ona, maibe Dotora Zelia Trindade halo esforsu hothotu, tuir ninia kapasidade pesoal, atu kontribui ba haburas organizasaun neebe ninian mos. Tanba nee, Dra Zéla Trindade merese ita-nia agradesimentu ba buat hothotu neebe nia halo durante mandatu rua tuituir malu,” dehan PR liu husi diskursu, bainhira iha seremonia tomada de pose ba Adjuntu PJR Dr. Alfonso Lopes, iha Palasiu Prezidente Nicolau Lobatu, Dili, Tersa ( 04/12/2018).

Xefe Estadu dehan, Alínea l artigu 86° hamutuk ho n°6 artigu 133, husi Konstituisaun RDTL, hatete katak Prezidente Republika mak iha kbiit atu nomeia, demite no ezonera Adjuntus Prokurador Jeral Republika, hafoin rona Konsellu Superior Ministeriu Publiku. Konstituisaun temi lia fuan “ Adjuntus”. Ida ne’e signifika katak Prokurador-Jeral Republika bele iha adjuntu rua ka liu, dala ida deit.

Konsellu Superior Ministeriu Publiku husu ba Prezidente Repúblika atu nomeia Adjuntu Prokurador Jeral Republika nain rua, maibe laos dala ida deit. Haree ba pedidu ida nee mak Prezidente Republika nomeia Adjuntu ida uluk no nomeasaun ida seluk sei halo iha  2019. Iha segunda nomeasaun nee, Prezidente Repúblika sei nomeia majistradu ho kategoria primeira klase hodi kompleta ekipa traballu neebe sei kolabora diretamente ho Prokurador Jeral Republika.

Hafoin tomada-de-posse ida nee, adjuntu foun Prokurador-Jeral Republika sei hahu hala’o ninia funsaun, no sei haforsa ekipa traballu neebe Prokuradoria Jeral Repúblika iha ona. Prezidente da Republika husu kooperasaun husi ba Adjuntu foun Prokurador Jeral Republika nian.

Iha fatin hanesan Adjuntu PJR Alfonso Lopes hatete nia agradese ba Prezidente Republika, tanba nomea ona nia ba Adjuntu PJR.

Nia dehan, Adjuntu PJR iha Prokurador Jeral da Republika hanesan ezeminasaun demokratika neebe fortiteb tebes, neebe mosu husi ezeminasaun ba kargu ida nee sai nudar kompetensia eskluziva husi Xefe Estadu. Informasaun kompletu iha STL jornal, edisaun Kuarta (05/12/2018). Carme Ximenes

Facebook Comments

Leave a Reply

Your email address will not be published. Required fields are marked *