Akontesementu Viqueque Hatudu Imajen Ladiak

Akontesementu Viqueque Hatudu Imajen Ladiak

- in Distritu
2131
0
Foho Matebian

DILI – Reprezentante Povu iha Uma Fukun Parlamentu Nasional (PN) konsidera konfrontasun neebe mak akontese iha Munisipiu Viqueque nee, hatudu imajen ladiak.

Husi parte Leste hau haree situasun hanesan 2012 ba kotuk, foin dadauk akontesementu iha Uatulari Viqueque nee, hatudu imajen ida neebe mak la diak, liu liu partidu sira neebe pensamentu karakter iha kampania nee, nunka mais sai husi problema ida,” dehan Deputadu Cesar Valenta ba STL iha nia fatin via telefone Kuarta (13/07/2017).

Nia hatutan tan katak, parte kompete mantein asaun hodi la bele fo fatin ba ema kriminozu sira, sira la komprende saida mak demokrasi.

Hau la refere ba partidu se se deit, mais kuandu viola ona regra ka Paktu Unidade Nasional, nee tenke atua, ida nee mak bele garantia e obriga simpatizante hotu hotu atu oinsa mak ita bele husik ema seluk nia liberdade bele lao, la bele impede ema seluk nia direitu, ka uza fali politik hodi halakon ema seluk nia direitu, e hau hanoin paktu neebe mak asina hotu hotu tenke garante, demokrasia nee, lolos mai atu halo ema intende demokrasi mai la bele fahe fali.

Iha tempu hanesan Deputadu Paulo Moniz Maia dehan Timor Leste (TL) nasaun demokratiku tanba nee ema hotu iha direitu atu halao nia programa halo nia planua.

TL nasaun demokratiku, prontu ita ida idak bele forma nia partidu tuir lei haruka, neebe akontesementu neebe iha Viqueque nomos iha fatin seluk mos iha karik, nia tenke iha respondabilidade, karik iha invidual tantu grupu ka partidu tenke iha reponsabilidade,”dehan deputadu Paulo.

Nia dehan, problema invidu ka ema ruma halo perturbasaun hodi impede ema seluk, nia direitu mos lei la haruka, lei bandu.

“Ita nasuan demokratiku ema ida idak atu hatoo nia programa hatoo ninia planu, se deit mak halo problema nia tenke responsabilidade,” aumenta Paulo. Lucia Ximenes

Facebook Comments

Leave a Reply

Your email address will not be published. Required fields are marked *