Aimoruk Falta Iha Fasilidade Saude

Aimoruk Falta Iha Fasilidade Saude

- in Nasional
239
0
aimoruk

DILI-Prezidente Komisaun F (PN), neebe trata asuntu Edukasaun no Saude, deputadu Virgilio Hornai hateten, Informasaun neebe Parlamentu Nasional liu liu Komisaun hetan katak, aimoruk falta iha fasilidade saude hotu entre stok rezerva aimoruk neebe maka iha SAMES lagarantidu.

Nia dehan, Governu presiza rezolbe uluk mekanismu de kompras ba medikamentus katak, aprovisionamentu neebe ke  atu halo ba sames liu husi sames para atu kompra aimoruk nee  muda nia metode  para fasilita diak liu tan Ministeiru para bele sosa aimoruk.

Ita nia maneira de kompras medikamente uluk tuir aprovizionamentu ho nia mekanismu ida aprovisionamentu jeral nee la ajuda hospital ka Ministeiru saude atu iha feleksibilidade oinsa maka bele halo jestaun ida diak para nunee atu garantia nafatin aimoruk iha fasilidade saude hotu hotu,” dehan deputadu Virgilio.

Nia dehan, SAMES iha nia regras propriu ba prosesu de kompras aimoruk hetan fleksibilidade katak, nia bele hola kompras ba fulan tolu fulan neen, tanba aimoruk barak nia data spaier nee bele iha prosesu nee nia laran deit bele spaeir ona,.

Iha fatin hanesan membru PN husi bankada Fretilin Ilda da Conceicao hateten iha semana kotuk komisaun ba halo vizita iha ospital I hetan problema neebe mosu iha ospital liu-liu konaba ran, tanba pasiente balu lakonsege hetan ran para atu bele hetan konsulta, lolos nee Ministeiru tenke halo doasaun ran para bele atende pasiente sira.

Entretantu Deputadu Paulo Monis Maia husu ba Governu liu husi Ministeiru Saude, atu hadia jestaun servisu neebe maka diak, atu nunee ema labele kestiona bebeik Ministeiru Saude nia servisu. Informasaun kompletu iha STL Jornal no STL Web, edisaun Sabado (22/10/2016). Carme Ximenes

Facebook Comments

Leave a Reply

Your email address will not be published. Required fields are marked *