AIFAESA Kontrola Produtu Xina

AIFAESA Kontrola Produtu Xina

- in Nasional, Politics
134
0
image012

DILI – Parlamentu Nasional husu ba governu liu liu Autoridade de Inspesaun Fiskalizasaun Atividade Ekonomika Sanitaria no Alimentar (AIFAESA), atu halo kontrola sasan sira neebe  tama iha rai laran, liu liu produtu husi Xina.

Dehan Deputada Lidia Norberta, liu husi sesaun plenariu, iha Parlamentu Nasional, Dili Segunda (10/02/202).

AIFAESA ninia papel importante tebes, tanba nee husu nafatin atu halo kontrolu ba ai han sira neebe mak tama iha rai laran, liu liu produtu sira neebe mak ita importa husi Xina, tanba moras Corona nee kona bele mai mos husi ai han sira nee konsumu, tanba nee husu ba AIFAESA atu koopera nafatin ho Ministeriu relevante hodi halo kontrola ba produtu Xina nian, dehan Deputada nee.

Nia  afirma tan katak, dala barak Timor oan hatene deit atu konsumu, tanba produtu sira neebe tama mai husi Xina nee barak liu maka hakerek ho Xina nian hotu, Timor oan lahatene Xina nia lian naran konsume deit no ikus mai bele lori moras oin oin, tan nee husu nafatin ba AIFAESA  atu kontrola.

Iha fatin hanesan Deputadu Antonio da Conceicão hatutan, relasiona ho moras ka virus Corona neebe mosu ona iha nasaun Xina, tanba nee husu ba governu atu nafatin halao sira nia knaar iha baze, halo kontrola ba produtu Xina nian neebe faan iha loja sira nee, no kontrola mos sasan sira neebe mak tama iha Portu no Aeroportu nomos Fronteira rai maran.

Hau hanoin governu tenke kontrola makas ai han sira neebe mak faan iha loja sira nee, no Querantina mos tenke kontrola metin sasan sira neebe tama iha Aeroportu, nomos ita nia fronteira rai maran no tasi, tanba moras nee ita la espera, tenke antisipa antes, dehan nia.

Hatan ba preokupsaun nee, Diretor Jeral AIFAESA Abilio Oliveira Sereno hatete, produtu neebe mak importa husi Nasaun Xina, barak tebes, liu liu produtu hahan sira nee, no agora Xina ho Indonezia mak kompete hela atu halo importasaun mai TL.

Hau hanoin TL nasaun vizinu hela ho Indonezia, maibe Xina mos lakohi lakon atu kompete hodi halo importasaun produtu mai rai laran, tanba nee ita tama iha loza Xina nian sira nee, produtu hahan barak mak sira faan iha sira nia loja, no produtu sira nee mai duni husi Xina, hatete nia.

Reportajen: Madalena Horta/Guilhermina Franco

 

Komentariu

Facebook Comments

Leave a Reply

Your email address will not be published. Required fields are marked *