Ahisaun Kapasita Difisiensia Nain 20

Ahisaun Kapasita Difisiensia Nain 20

- in Edukasaun
839
0
deficiencia-timor

DILI-Ministeriu Solidaredade Sosial (MSS), apoiu Ahisaun hodi fo kapasitasaun kona-ba lian Engles no Komputador ba difisiente sira neebe hamutuk nain 20 iha Fatuhada, Dili.

Tuir Diretor Ahisaun, Domingos T. M dos Santos, hatete katak tinan ida nee, Ahisaun fo kapasitasaun ba ema ho difisientes hamutuk nain 20, neebe mak ofrese ho programa formasaun konaba lian English, no komputador.

Iha tinan ida nee, ita halo kapasitasaun ba ema ho difisiente hamutuk nain 20, maibe ita iha programa formasaun konaba lian English, no komputador, neebe ema iha nain 20 mak tuir, depois ita mos hasoru dezafiu barak, tanba ema sira nee balun mai tuir, depois sira sai, tanba nee sai dezafiu boot ida ba ita,” hatete Domingos ba STL iha nian knar fatin Fatuhada Dili,   Segunda (11/09/2017).

Nia hatete, treinamentu ida nee, ahisaun hetan apoiu husi parseiru governu nian, hanesan Ministeriu Solidaridade Sosial (MSS), hodi bele fasilita maluk sira ho kondisaun difisiente, neebe mak tuir treinamentu iha fatin ida nee.

Ita nian formasaun ida nee, konaba komputador fulan 6, no lian english  mos fulan 6, neebe itabele dehan, formasaun nee  too tinan ida, depois formador sira nee balun rekruta no balun maluk difisiente sira  neebe mak tinan uluk hetan ona formasaun, entaun sira nee mak  fo fali formasaun ba ita nian maluk sira,”dehan nia

Husi numeru 20 nee feto nain 8, mane nain 12, maluk difisiente sira nee mai husi Munisipiu hanesan Munisipiu Ermera, Same, Bobonaro, Baucau, no Manatuto.

Nunee mos Natalino Alexandre da Costa, hanesan treinador komputador, hatete, sira fo treinamentu halai ba parte rua, ida nee fo ba ema ho kondisaun difisensia nee bazeia ba targetu husi MSS nian,  sira hanorin sira too fulan 6, depois  ofrese ba sira ho programa hat mak hanesan, word, excel, pawer  poin no acces.

Ami fo treinamentu halai ba parte rua, ida fo treinamentu ba ema ho kondisaun difisensia nee bazeia ba targetu husi MSS nian, entaun ami hanorin sira too fulan 6, depois ami ofrese ba sira ho programa hat mak hanesan, word, excel, no pawer  poin, no acces, ba sira neebe mak la ho difisensia mos hanesan,”tenik nia

Nia hatete, konaba metode hanorin ba iha formasaun ida nee, primeiru estudante sira tama, fo uluk koinesementu implementasaun komputador ninia, maibe bainhira tama ona ba semana rua, hahu tama iha teoria, depois sira halo kedas pratika.

Entertantu  Martinha Gomes, hanesan estudante difisiensia iha ahisaun, hatete, nia  tuir treinamentu komputador, maibe agora dadaun  tuir hela treinamentu  lian English, tanba nee,  nia sente kontenti, maske la  hetan espriensia ladun barak, maibe ida nee, hanesan oportunidade, para  bele aumenta koinesmentu.

“Hau husi Munisipiu Lospalos, hau mai iha fatin ida nee, iha tinan  2017, fulan Fevereiru, bainhira  hau mai iha nee, hetan espriensia uituan, tanba primeiru hau tuir treinamentu komputador, maibe agora dadaun hau tuir hela treinamentu  lian English, tanba nee, ami sente kontenti, maske ami hetan espriensia ladun barak, maibe ami sente kontenti,”dehan nia. Jacinta Sequeira/Lucia Ximenes

Facebook Comments

Leave a Reply

Your email address will not be published. Required fields are marked *