Ahi Mate Lakan PN Kestiona Kapasidade Governu

Ahi Mate Lakan PN Kestiona Kapasidade Governu

- in Nasional
39
0
antonio-me

DILI-Reprezentante Povu iha uma fukun Parlamentu Nasional PN, husu ba governu liu liu Ministru relevante neebe toma konta ba ahi aletrisidade atu rezignaan, tanba kada tinan governu aloka osan boot maibe ahi kontinua mate lakan iha rai laran.

Hau hanoin ema ida neebe ukun nee laiha kapasidade, tanba iha tempu ida neebe buat hotu kompletu, no teknolozia abansadu nee maka ahi mate, signifika katak ema neebe ukun maka laiha kapasidade atu jere, tanba nee hau maka iha Ministru nee nia fatin hau rezignaan tiha ona, tanba ita labele fo razaun tanba ita laiha kapasidade,”dehan Deputadu Antonio da Concesao ba STL, Tersa (12/03/2019) iha PN.

Nia mos afirma liu tan katak, dala barak razaun Ministru nian maka, dehan, fiu la diak, trafo mos ladiak hotu ona tanba nee ahi kontinua mate lakan, lolos nee labele akontese hanesan nee, no ema ida neebe ukun nee maka tenke hola desizaun atu hare problema sira nee iha baze, no  Ministru labele uza razaun oin oin, karik laiha kapasidade maka ahi kontinua mate lakan iha baze.

Tuir Deputadue nee katak, iha nasaun seluk ahi kuandua mate lakan hanesan nee, aban Ministru nee rod alia, maibe iha Timor povu sunu ahi ona kalan kalan, tanba ahi mate maibe Ministru tuur nonok iha fatin, no la hanoin katak, iha kapaidade ka lae, no saida maka atu halo hodi ahi labele mate tan, maibe realidade Minstru la halo ida nee.

Iha fatin hanesan Deputada Elvina de Sousa hatutan, governu tenke toma konsideirasaun, tanba ahi kontinua mate lakan hodi estraga komunidade nia sasan elektronik, lolos nee labele akontese tan hanesan nee, tanba tinan tinan alokasaun osan boot ba iha Ministeriu nee ho montante neebe boot. Maibe problema saida maka akontese hodi ahi nee mate lakan hela deit. Notisia kompletu lee iha jornal STL edisaun Kuarta  (13/03/2019). Madalena Horta/Carme Ximenes

Facebook Comments

Leave a Reply

Your email address will not be published. Required fields are marked *