Afonso Subtitui Duarte Tilman Ba Comisariu CNE

Afonso Subtitui Duarte Tilman Ba Comisariu CNE

- in Nasional
100
0
1604382_1033057823486533_1559829927161377424_n

DILI- Prezidente Parlamentu Nasional  fo tomada da pose, ba Afonso Carmano hodi subtitui Dr Durate Tilman nia fatin hanesan Comisariu CNE, tanba Dr Tilman hetan tiha ona nomiasaun hodi sai hanesan Juis konseleru Tribunak Rekursu.

liu husi deskursu Prezidente Parlamentu Nasional, Arao Noe husu  ba Comisariu foun  neebe simu ona pose, atu servisu ho professional, no halo funsaun ho diak iha prosesu eleitoral.

Tomada da pose ita halo tanba CNE hamutuk ho organizasaun seluk atu garante prosesu demokrasia bele lao tuir valor universal nian, tanba nee ita tenke konsiente katak CNE importante tebes, no durante nee ita hare membru CNE halao sira nia servisu tane aas esperitu ba misaun servi ba ita nia pais  no ita nia interese, tan nee, liu husi buban ida nee atu inkorajen comisariu foun atu halo nia funsaun tuir ninia kompetenia ho nunee bele hetan konfiansa husi sosiedade tomak,”dehan Prezidente Parlamentu Nasional Arao Noe liu husi deskursu Tersa (23/04/2019) bain hira fo pose ba Comisariu foun iha PN.

Nia mos afirma liu tan katak, Servisu CNE no organizasaun seluk neebe integrante iha Sistema elisaun iha TL, maka prosesu elisaun tomak rezulta transparente hodi hetan aseitasaun husiforsa politika neebe involve iha nasaun doben ida nee.

Iha fatin hanesan Prezidente CNE  Alsino Baris hatutan, tomada da pose ba komisariu foun ida nee atu seforsa CNE nia servisu iha baze hanesan bain bain, no iha biban nee organizasaun ida nee bele eziste diak liu tan iha tempu hirak neebe tuir mai.

Nunee mos Comisariu Afonso Carmano hatutan, tomada da pose ida nee lolos nee, labele akontese maibe tanba Dr Duarte Tilman neebe uluk kaer pasta nee, agora hetan tiha ona nomiasaun hodi sai hanesan Juis konseleru Tribunak Rekursu. Madalena Horta

 

Komentariu

Facebook Comments

Leave a Reply

Your email address will not be published. Required fields are marked *