Academica Manan, 9 de Setembru Skor 3-0

Academica Manan, 9 de Setembru Skor 3-0

- in Desportu
5764
0
volley man

Dili- Kompetisaun Liga Voleibol Timor-Leste (LVTL), Klubu Akademika manan Klubu 9 de Setembru skor 3-0.

Tuir Treinador Ekipa Voleibol Klubu Academica-UNTL, Sofonias Soares katak, durante jogu nee lao hahu husi set primeiru  manan 25-17, II manan ho 25-12, III nanan 28-26.

Ami sente kontente hodi partisipa iha area desportu, tanba ita haree iha nasaun sel-seluk nee sira involve makas iha area oi-oin. Tanba joventude feto mos hatudu sira nian partisipasaun makas hodi dezenvolve-an iha areia desportu iha tinan rua ba kotuk katak,” Sofonias ba STL iha Ex- Ginagiu GMT Dili, Tersa (20/6/2017).

Sofonias mos rekuinese katak, liu husi liga hirak nee, halo joven sira hamenus problema iha rai laran tanba kompara ho tinan kotuk liu ba ita hare laoras rona mosu problema. Agora ho aktividades sira hanesan nee haree problema menus ona.

Iha fatin hanesan Trenador Café Francisco Martins dehan, nia fo mensajen ba joventude sira katak joven neebe sente iha talentu diak liu hatudu iha publiku. Tanba nasaun persiza ita nia talent, atu nunee bele ba tuir kompetisaun iha nivel internasional sira maibe tenke esforsu-an makaas iha area desportu.

Nunee mos, Adriano nuudar atleta husu, joven sira semak iha talentu bele mai hamutuk. Hamutuk ita dezenvolve   desportu tanba, desportu iha ita nia liman rasik.

Liu husi aktividade desportu ita bele hametin unidade no amizade iha ita nia rai doben Timor- Leste.EST-4

Facebook Comments

Leave a Reply

Your email address will not be published. Required fields are marked *