Abrigu Wasadila Hanaran Fali Abrigu Ba Dame

Abrigu Wasadila Hanaran Fali Abrigu Ba Dame

- in Distritu
705
0
falur-1

OSSU-Naran Abrigu Wasadila iha Aldea Samalesu, Suku Loe Huno, Postu Administrativa Ossu, Viqueque, komesa agora ba oin, hanaran fali “Abrigu ba Dame”.

Abrigu nee parte ida husi funu resistensia too manan ukun aan. Ninia valor historiku husik hela ba jerasaun sira iha futuru. Muda naran abrigu nee halao liu husi seremonia asina plaka iha fatin refere, Tersa (12/7/2017).

Seremonia muda naran abrigu nee, partisipa autoridade lokal, komunidade Aldea Samalesu, no bainaka sira seluk. Tuir lolos, Prezidenti da Republika (PR) Fransisco Guterres Lu-Olo partisipa mos iha seremonia nee maibe lakonsege tamba kondisaun saude la permiti. Nunee mos PM Rui Maria de Araujo no Chefe Estado Maior General F-FDTL, Maijor Jeneral Lere Anan Timur tamba atrapailha ho servisu seluk neebe susar atu husik hela.

Chefe Estado Maior F-FDTL, Coronel Falur Rate Laek iha ninia diskursu esplika, Kaixa Foho Falur harii hafoin levantamentus armadas iha tinan 1983. Iha tinan nee, Falur Rate Laek bolu  maun Henrique, Belmiro no Badame. Sira nee harii kaixa ida nee. Momentu neba, sira sai ba ailaran, ligasaun parmanenti iha Viqueque mak radio deit.

Ligasaun sira nee, sira halo ho kumarka deit. Tuir fali maka, Antonio Aitahan Matak. Uluk iha  Loe Huno, konta Falur, iha deit ema nain rua nee. Ema rua nee maka senhora Emilia no  Henrique. Altera neba, bainhira hetan susar sira halai ba senhora Emilia mesmu nia laen kastigu hamutuk ho Xanana Gusmao iha Cipinang, Jakarta, Indonesia.

Momentu neba, kuandu situasaun aperta, sira halai ba senhora Emilia. Depois, senhor nee informa ba Palang Merah Internasional, no igreja. Ho nunee klandestina iha Loe Huno, ema ida lamate.

Momentu neba, hau hakerek surat ida ba maun Henrique iha kumarka laran. Depois, Henrique bolu Falur nia alin, hodi halo toos iha foho leten. Aktividade klandistina iha area Ossu, ninia baze mak Wasadila.

Entretantu iha biban hanesan, MECAE-MAP Eng. Estanislau Alexio da Silva hateten, iha tempo resistensia, gerileiru sira moris iha situasaun defisil. Iha tempo ukun aan, ema hotu tenke valoriza Asuwain Gerileiru Falintil sira nia luta. Estadu mos lataka matan. Estadu kontinua fo asistensia ba sira neebe sei moris nomos ba sira nia familia. Ida nee responsabelidade estadu nian. Oinsa atu fo asistensia ba sira, fo deit osan la too, maibe tenke kria servisu espesilizada para fo atensaun ba veteranus sira. Segundu, estadu iha dever moral, tau matan ba fatin istoriku sira, hanesan Abrigu Wasadila neebe agora hanaran Abrigu ba Dame. Laos nee deit, iha tan fatin historiku sira seluk tenke hadia, atu nunee bele sai mos fatin turismu.

Hadia Abrigu Wasadila nee, bazea ba proposta husi Komandante Falur Rate Laek ho nia kolega sira. Proposta hatama ba MECAE-MAP. Depois Gabineti MECAE-MAP halo kordenasaun oinsa buka oinsa hodi fo apoiu orsamentu. Ikus mai hetan duni. Konsege hetan orsamentu $20.000,00 hodi hadia abrigu ida nee.

Konstruksaun neebe halo iha abrigu nee, eskada halo husi besi. Solda besi. Ba oin nia espera tenki halo diak liutan. Laos nee deit, abrigu sira seluk mos sei hadia hotu.

Governu mos, nia dehan, iha ona planu atu hakerek fatin istoriku sira nee. Primeiru Ministru kria tiha ona grupu ida hodi hakerek istoriku sira nee. Portantu, la kuelker hakerek. Ema sira neebe hatene istoria abrigu konta mak bele hakerek iha livru. Nunee, bainhira ema lee, bele komprende konaba fatin historiku sira. Augusto da Costa

Facebook Comments

Leave a Reply

Your email address will not be published. Required fields are marked *