ABBA Sei Halo Jogu Amizade Ho Indonesia

ABBA Sei Halo Jogu Amizade Ho Indonesia

- in Distritu
1137
0
football

MALIANA-Tuir planu, Assosiasaun Boxing Bobonaro Amatir (ABBA), sei konvida boxista husi Indonesia, liliu husi area Kabupaten Belu no Kabupaten Malaka, atu halo jogu amizade iha Maliana.

Jogu amizade nee, hodi hametin liu tan relasaun amizade entre boxista husi rai rua nian mak hela iha fronteira,” hateten Prezidente ABBA, Cornelis Raibaq foin lalais nee iha Maliana.

Nia hatete, Bobonaro iha potensia boot ba iha desportivu, liliu boxing. Haree ba potensia nee, ABBA sente iha dever atu promove ba joven sira nia talent. Atu nunee ba oin, bele kompete iha eventu nasional no internasional.

Raibaq hatete, iha regional open turnamen boxing Maliana tinan 2017 hahu 29 Maio remata dia 3 Junho, ABBA hatun boxista ema nain 17, kompete hamutuk ho boxista hosi municipio 12 seluk. Hosi ema nain hirak ne’e, ema mane 12 no feto ema nain lima. Hosi numero total ne’e, ema nain hat mak tama final. Feto nain rua mos tama iha exebisaun iha jogu boxista regional open turnamen boxing Maliana tinan 2017.

Raibaq hatete tan, sira sei halo plano ida, atu halao jogu amizade ho rai vizino Indonesia, li-liu Kabupaten Malaka no Kabupaten Belu NTT. Bocxista mak jogu tuir iha associasaun boxista Bobonaro, lori Bobonaro nia naran. Tamba ne’e, nia sei koalia ho autoridade maximu iha Bobonaro, hodi husu apoiu.

Tuir Rabaq, iha regional turnamen bocxing open Maliana mak realiza iha Ginacio Municipal Maliana, autoridade Municipal, boxista ema nain 88 kompete malu. Bobonaro oan sempre prontu iha kualker tempo atu kompete ho municipio sira seluk iha eventu saida deit.

Actividade realiza ba komemorasaun 20 de maio nian iha Maliana, maibe Federasaun Boxe Amador Timor Leste (FBATL) mak organiza hodi prepara, ABBA fasilita deit. Orsamento ba eventu ne’e, mai hosi Secretaris Juventude e Desportu.

Ami sei halo plano iha tinan 2018, sei halao tan eventu hanesan iha Maliana,” Raibaq hatete.

Treinador ABBA, Domingos Mali Teti hatete, Bobonaro oan, mak hela iha Dili, sempre lori Bobonaro nia naran iha evento boxing nasional. Realidade hatudu, ema nain hat mak tama final iha regional open turnamen boxing tinan 2017 iha Maliana. “Jogu bocxista regional open turnamen bocxing Maliana ba manan nain sira hetan premio taxa permanente no taxa rotativa,” Raibaq hatete.

Tuir Domingos ema nain hat mak tama final, Romario Saldanha Teti iha clase 56 Kg, Ensiano da Silva clase 60 Kg, Sabino Monteiro Ramos 64 Kg no Martinho da Costa iha clase 69 Kg. Feto nain rua mak tama exebisaun Donalda Da C. Teti no Francisca Guteres Miguel Coterial.

Treinador hosi Laka Boxing, Belu Indonesia, Antonius Baso hatete iha jogu boxing amadora, hosi Belu no Malaka Indonesia hatun bocxista ema nain sia. Hosi ema nain hirak ne’e, mane ema nain hitu no feto ema nain rua. Boxista sira mak kompete iha eventu ne’e, Oktivianus Bou iha klase 56 Kg, inosensus Mau clase 60 Kg, Didi Sukasi 69 Kg.

Boxista nain hat mak tama final hetan klasifikasaun. Feto nain rua tama iha exebisaun, maibe ida manan. Husi ema nain hirak mak kompete, iha regional open turnamen boxing Maliana, hetan medalia osan mean tolu, medalia osan prata ida no medalia osan mutin tolu. Aleinde ne’e, Oktivianus Bou iha klase 56 Kg, hetan meilor iha jogu regional open turnamen bocxing Maliana, autoridade Municiapl Bobonaro.

Antonius hatete, sira mai iha Maliana sente kontenti, tamba hetan oportunidade hasoru maun alin iha Timor Leste, espesial iha Maliana. Nasaun mak ketak, maibe kultura no tradisaun hanesan ema iha Timor Leste.

Kami datang di Maliana merasa gembira. Kami mendapat kesempata di Timor Leste. Kita hanya beda negara, tetapi kultur budaya dan adat istiadat sama seperti saudara-saudara kami di Timor Leste,” Antonius hatete.

Iha exebisaun ba bocxista feto, Teodora da Costa hosi Viqueque hasoru Baguita Espanya, Espanya manan, Dorina M.T.G hosi Viqueque hasoru Donalda Da C. Teti hosi ABBA, Dorina Manan. Iha clase layang junior Kg 49, Bocxista Calino hosi Same hasoru Rui Goncalves hosi Dili, Same manan, Tito hosi Ermera hasoru Marciano de Jesus hodi ABBA, Ermera manan.

Clase layang senior 49 Kg, Jose B Quintas hosi Manatuto hasoru Frederico hosi Ainaro, Manatuto manan. Mario B Kali hosi Belu Indoesia hasoru Antoninho D. Santos hosi Ermera, Ermera manan. Ba clase terbang junior 52 Kg, Nazario hosi Viqueque hasoru Joel A.F hosi ABBA, Viqueque manan. Estavao Ramos hosi Aileu, hasoru Gregorio hosi Lospalos, Aileu manan.

Ba Clase terbang senior 52 Kg, João Barbosa hosi Dili hasoru Evaristus R. Leki hosi Belu Indonesia, Dili manan, Elizio hosi Baucau hasoru Deonizio hosi Viqueque, Viqueque manan. Ba clase bantan junior 56 Kg, Aloysius hosi Dili hasoru Aquintino hosi Same, Same manan, Frederico hosi Liquica hasoru Etelino hosi RAEOA, Liquica manan. Ba calase bantam senior 56 Kg, Teonizio hosi Dili hasoru Romario S. Teti hosi ABBA, ABBA manan. Abilio Orlando hosi Viqueque hasoru Octivianus Bou hosi Belu Indonesia, Belu Indonesia manan.

Calse ringan junior 60 Kg, Andre hosi Same hasoru Oligario hosi Manatuto, Manatuto manan. Eliciano hosi ABBA hasoru João Hartno hosi Ermera, ABBA manan. Calse ringan senior 60 Kg, Teonizio hosi Baucau hasoru Inosentus Mau hosi Belu Indonesia, Belu manan, Afonario hosi Dili hasoru Chelito Minta hosi Ainaro, Ainaro manan.

Ba clase Welter Ringan junior 64 Kg, Juvito Ximenes hosi Dili hasoru Andre hosi Ainaro, Dili manan, Savio Ramos hosi ABBA hasoru Sultimutar hosi Ermera, ABBA manan. Ba calse welter ringan 64 Kg, Libertus hosi Belu Indonesia hasoru Francisco hosi ABBA, Belu manan.

Ba calse welter senior 69 Kg, Jose Leoneto hosi Dili hasoru Martinho hosi ABBA, ABBA manan, Rui Soares hosi Same hasoru Didi Indarto husi Belu Indonesia, Belu manan. João Mau Leto

Facebook Comments

Leave a Reply

Your email address will not be published. Required fields are marked *