90% Kompania TL Lisensa Negosiu

90% Kompania TL Lisensa Negosiu

- in Economics
1291
0
export-import-trade-23277750

DILI – Servisu de Registu e Verifikasaun Empresarial (SERVE) fo ona lisensa do negosiu ba kompania Timor  oan hamutuk 11.182, husi numeru ida nee, 90% sertifikadu negosiu.

Diretor Servisu de Registu e Verifikasaun Empresarial (SERVE) Florêncio Sanches, dehan,  sira fo ona sertifikadu ba kompania  hamutuk 16. 182 mill neebe halo atividade negosiu iha rai laran ho nia pursentu 90 mesak kompania Timor oan, hatudu sira mak domina iha merkadu.

Timor oan nia kompania barak liu ema estrageiru, maibe Timor oan labele ezerse nia atividade ekonomikus tanba nia laiha kapital,”dehan Florêncio ba STL iha nia knar Fatin Matadoro Kinta (04/05/2017).

Nia informa katak, bazea ba dadus ofisial nasional hatudu Timor  oan mak domina iha merkadu, tanba Timor oan hamutuk 15 mill kompania no kompania estranjeiru 1500 ital deit, mesmu emprezaria Timor  oan 90% domina iha merkadu maibe nia bele domina atividade negosiu iha merkadu tanba la iha kapital.

Enkuantu emprezariu estrangieru sira 10% deit, maibe sira nia atividade negosiu lao, hanesan halo alargamentu lozas boot, inklui restorante boot neebe mak komunidade bele haree kedas. Dala ruma publiku sira la kompriende, sira hamosu perspektivu ida katak emprezariu estranjeiru mak domina iha merkadu rai laran, afinal la hanesan nee.

Nia fo ezemplu, komunidade kestiona emprezaria xina mak domina merkadu iha Timor, nee la los tanba emprezaria estranjeiru 10% deit maibe tanba nia atividade negosiu nee lao, entaun hamosu hanoin ida katak sira mak domina iha merkadu.

Nia esplika katak, atividade negosiu mak, kompania ida deit, bele alarga nia negosiu iha fatin-fatin, entaun publiku haree katak sira mak domina no emprezariu Timor oan neebe mak la iha kapital, dehan dala barak sira hetan tiha sertifikadu, sira tau deit iha gabeta no la bele halo sira nia atividade ekonomiku.

Ho ida nee, nia sujere ba estadu hodi buka meus oinsa halo lei ida, atu asesu ba finanseiru, nunee emprezariu Timor oan bele hetan osan hodi jere sira nia atividada ekonomiku.

Iha parte seluk Membru Parlamentu Nasional husi Komisaun D ekonomi, dezemvolvementu Josefa Alvares Pereira Soares, apresia ho servisu SERVE nian neebe halo verifikasaun no fo sertifikadu ba emprezariu sira neebe halo negosiu iha rai laran bazea ba lei haruka.

Nee servisu diak neebe mak sira halo no ita apresia, tanba ita hakarak emprezariu Timor oan sira tenke dezemvolve sira nia aan no negosiu,” dehan Josefa.

Nia dezafia ba dadus neebe hatudu katak emprezaria Timor oan mak domina merkadu rai, tanba realidade hatudu emprezaria husi xina no Indonesia mak barak liu iha Timor. Lucia Ximenes

Facebook Comments

Leave a Reply

Your email address will not be published. Required fields are marked *