8-16 April Polisia Rezistu Asidente 37

8-16 April Polisia Rezistu Asidente 37

- in Metro
173
0
PNTLll

DILI-Husi dia 8 too 16 Fulan Abril 2017 Polisia Nasional Timor-Leste (PNTL) rezistu kazu asidente hamutuk 37.  Komandante Operasaun Superientenden Xefe Polisia, Henrique da Costa informa ba jornalista sira iha Kuartel Jeral PNTL Caicoli Dili, Tersa (18/4/2017)

Nia esplika katak, tuir relatoriu neebe komandu simu husi parte Polisia Tranzitu Nasional no mos komandu polisia munisipiu katak, husi kazu 37 nee, rezulta kanek todan no kaman hamutuk 12, mate laiha.

Nee duni kauza husi asidente nee barak liu mak eru umanu nia ka failansu husi kondutor sira. Dalaruma sira tula pasajeiru barak liu depois halai ho velusidade neebe makas entaun ida nee mak fo impaktu ba asidente.

Tuir lolos karreta sira nee ida-ida ho nia limitasaun kapasidade atu tula ema, tantu bus ida nia tula ema nain 14. Nee duni tenke tula ema nain 14 labele tenta para tula ema liu.

Se karik hanesana nia daya muatan lori nee liu fila fali kapasidade neebe karreta nee iha, mak ninia inpaktu nee ba fila fali karreta, depois hali liu velusidade. Ta nee mak dalaruma ita halai sees kois deit mos akontese ona asidente,”katak Henrique.

Atu evita situasaun sira nee Komadante Polisia Operasaun Nasional nee husu ba kondutor sira atu labele tula pasajeirus liu kapasidade kareeta. Nunee mos labele lori karreta ho kondisaun dukur. Tanba kondisaun dukur mak lori karreta nia impaktu bele halai ba asidente.

Alende nee tuir informasaun neebe fosai husi rede komonikasaun social katak, Tersa (18/4/2017) kuaze tuku 10:00 Otl akontese tan asidente trafiku iha area Postu Administrativu Vemase rejulta karreta marka Pazero ho xapa matrikula 24.220 TLS baku fila.

Too notisia nee tuun STL seidauk bele hatene mutivu lolos ba asidente nee, nunee mos seidauk hetan konfirmasaun klaru husi PNTL.*

Facebook Comments

Leave a Reply

Your email address will not be published. Required fields are marked *