Celebrasaun Missa sei Suspende Semana Ida

Celebrasaun Missa sei Suspende Semana Ida

- in Headline, Metro, Nasional, Notisias Online
488
0
20200321_201949-1-1-1

Editor : Crisogono Magalhães

DILI-Arcebispo Metropolitana Dili Liu husi Bispo Diocese Dili Don Virgilio do Carmo da Silva esklarese ba sarani Dili hodi suspende missa durante semana ida hahu aban ho razaun Corona Virus.

Lia hirak nee hato husi Arcebispo Metropolitana ba Jornalista sira iha knaar fatin Dioceseze Dili,Sabadu (21/03/2020).

Hare ba situação atual Timor katak “Corona Virus” (COVID-19) realidade. Tuir informação oficial husi Ministério da Saúde iha Palácio das Cinzas iha loron 21 de Março 2020 Virus COVID-19 deteta ona iha Timor Leste, dehan Arcebispo Metropolitana Don Virgilio do Carmo da Silva.

Nuudar ita hotu hatene, Corona Facil Virus fasil tebes atu daet husi ema ba ema.

Tanba ne’e, Hau ata hola medidas atu evita virus ne’e habelar iha comunidade Timor oan sira le’et, hodi hein desizaun husi Conferencia Episcopal Timorense, dehan Arcebispo Metropolitana nee.

Hahu aban Domingo 22 de Março to’o Sábado 28 de Março de 2020 sei vigora decisão hier tuir mai ne’e iha Vigararia Dili ho Paróquia Dare:
I. Sei Suspende
Missa sira hotu (dominical, diária, exequial) iha Igreja paroquial ho nia Capela sira hotu. Husu ba Sarani sira hotu-hotu reza deit iha uma  no comunhão espritual

Husu ba Amu lulik sira atu selebra nafatin missa privada (sem assistência do povo) hodi reza ba Sarani sira nia diak.

1. Retiro no encontro sira hotu.
2. Via Sacra iha loron Sesta feira, 27 de Março de 2020. Husu sarani sira halo Via Sacra iha uma deit.

II. Missa diária iha Capela sira: Seminários, Casas Religiosas no Religiosos Clericais ba deit residente sira.

III. Husu ba Amu lulik sira hotu nebe hela iha Vigararia Dili no Paróquia Dare atu executa decisão hirak ne’e sem reserva hodi protege ita nia povo husi ataque Corana Virus.

Ba Sarani sira hotu Arquidiocese Metropolitana Dili, hau ata husu atu badinas nafatin halo penitencia, oração no caridade. Lebele tama iha panico maibe hein nafatin ho laran metin maromak nia  laran luak no nia domin rohan laek nebe ita koko to’o biban ida ne’e.

Reportajen : Crisogono Magalhães

Komentariu

Facebook Comments

Leave a Reply

Your email address will not be published. Required fields are marked *