Kampanha Nasional Kuda Ai Oan, Reprezentante PR Kuda Ai Oan Iha Atabae

Kampanha Nasional Kuda Ai Oan, Reprezentante PR Kuda Ai Oan Iha Atabae

- in Edukasaun, Nasional
422
0
Screenshot_20200313-141223-1-1-1-1

ATABAE– Reprezentante Prezidente da Republika, Xefe Caza Civil Fracisco Maria de Vas Concelos hahu halo lansamentu Kuda ai Parapa tinan 2020 iha Tasi Ibun Atabae.

Kampanha nasional kuda Ai Parapa tinan 2020 atu halo prezervasaun no konservasaun ba natureza neebe ikus ikus nee afeita tebes ba mudansa klimatika. tanba nee mak hahu ohin ba oin ema ida kuda ai Parapa ida mak sei haburas diak liu tan natureza atu bele hamenus dezastre naturais neebe mosu iha rai laran hodi Garante moris diak ba oan no beioan sira nia moris iha aban bainrua.

Iha lansamentu Kuda Ai parapa Mensajen Prezidente Republika Francisco Guterres Lu Olo neebe mak Lee husi Xefe Casa Sivil Francisco Guterres Lu Olo iha Posto administrativu Atabae Sesta 13/03 hatete nia haksolok tebes iha ambitu kampanha nasional Sidadaun ida ai oan ida neebe mak lansa iha loron 25 janeiru 2019.

Prezidente Republika dehan kampanha nasional sidadaun ida ai oan ida hodi dada atensaun husi timor oan hotu atu haree ba sidadaun idak idak no hamutuk nuudar forsa metin ida deit.

hodi kaer metin ita nia hakarak koletivu ida deit mak hamatak ita nia Rai atu garante ambiente furak no saudavel ba ita nia jerasaun ohin loron no tuir mai, Mensajen PR neebe mak lee husi Xefe Casa sivil.

PR mos husu sidadaun hotu iha dever atu kontribui ba halao politika ida neebe fo dalan ba dezenvolvimentu ekonomia saudave.

Xefe Casa Sivil dehan PR iha nia komprimisiu rasik hodi promove dezenvolvimentu sustentavel liu husi atividade kuda ai Parapa.

Iha biban nee Administrador postu administrativu Atabae Pedro Lakubuti mos lori povu atabae nia naran hatoo agradese ba Prezidente Republika neebe mak halo ona lansamentu kampanha nasional Ema ida ai oan ida.

hau lori komunidade nia naran hatoo agradese ba reprezentante PR xefe Casa sivil Francisco Guterres Lu Olo ho membru tomak neebe mak mak kuda ona ai Parapa iha ami nia suku” Katak Administrador posto administrador Atabae.

Nia mos husu ba populasaun hotu atu kuida ai parapa Rihun ida neebe mak kuda ona iha posto administrativu Atabae.

Tuir Observasaun neebe mak STL Hetan iha loron 13 Prezidente Republika Francisco Guterres Lu Olo mos halo lansamentu kuda Ai Parapa iha metinaru, no Xefe Casa Sivil Francisco Maria De Vasconcelos halo lansamentu Nasional kuda Ai parapa iha Munisipiu Bobonaro posto Administrativu Atabae suku Aidabaleten no kuda mos ai Parapa Rihun ida. “Emerenciana”

Komentariu

Facebook Comments

Leave a Reply

Your email address will not be published. Required fields are marked *