Setor Privadu-Akademia Lakonkorda EA

Setor Privadu-Akademia Lakonkorda EA

- in Politics
45
0
download (35)

DILI-Setor privadu ho akademia lakonkorda  atu halo tan elisaun antesipada(EA), tan nee husu Prezidente da Republika(PR) ho ulun malirin hodi foti desizaun, tanba dalan neebe diak avansa ho Governu Unidade nasional.

Kestaun nee fo sai husi Prezidente Fundador Camara Comersiu Industria Timor Leste (CCI-TL) Julio Alfaro ba Jornalista Tersa (21/01/2020) iha nia rezidensia Fomento  Dili.

Ami nia esperansa maka situsaun ida nee bele ultra pasa lalais iha loron 60 nia laran, no iha loron 60 nia laran nee, Prezidente bele rona partidu politik no  lider Politik nain sira. Tanba laiha solusaun maka  dala ikus liu ita tenke fila ba elisaun antesipada, no ami la konkorda tanba elisaun antesipada nee, gasta osan borak, dehan Prezidente Fundador CCI-TL, Julio Alfaro.

Nia mos afirma liu tan katak, setor privadu la konkonda atu fila ba elisaun antesipada(EA), tanba sei gasta osan barak, no planu sira neebe atu realiza nee bele tunda tanba osan gasta hotu ba EA,  tan nee tuir konstituisaun fo biban ba PR atu analiza  desiziaun saida maka nia atu foti, importante maka labele mosu tan EA.

Tuir nia katak, EA sei fo todan ba parte hotu hotu, liu liu povu kiik sira neebe laiha kbit tenke halai ba mai hodi tuir elisaun, tanba sira hanoin katak, votus neebe sira oferese sei lori rezultadu diak iha futuru.

Iha parte seluk Reitor IOB Augosto da Conceisao hatutan, liga ho orsamentu neebe la pasa iha parkamentu nasional, hanesan akademiku la konrda atu ba EA, tanba nee Prezidente da Republikua hanesan orgaun masimu iha nasaun ida nee, nia labele hanoin atu fila ba EA.

Ami la konkorda atu fila ba EA, tanba EA atu sei gasta osan barak, no ita la garantia katak partidu ida atu manan maioria, tanba nee diak liu maka Governu unidade nasional, atu nunee bele halakon impase politik iha rai laran, tanba ita ba EA  laiha partidu ida manan maioria no ikus maim aka, koligasaun sei iha nafatin, tan nee diak liu ukun hamutuk deit,dehan Reitor IOB.

Nia mos afirma liu tan katak, atu buka solusaun ba problema sira nee, dalan diak maka lider sira tenke tuur hamutuk, tanba sei hela tinan tolu nia laran maka, mandatu governu dala ualu nee hotu, maske deklarasaun Primeiru Ministru nian katak, AMP la eziste ona, AMP rahun tiha ona, tan nee kompetensia tomak ba PR atu haree situasaun ida nee, oinsa bele ultra pasa .

Hau hanoin dalan diak ba ita maka avansa governu unidade nasional atu nunee Tinan tolu nee bele remata ho progersu, tan nee husu  PR atu rona mos desizaun husi entidade tomak, ho nunee labele fila ba EA,dehan nia.

Nunee mos Prezidente Camara Comersiu Industria Timor Leste CCI-TL, Oscar Lima hatutan, osamentu la pasa iha parlamentu nasional, karik atu ba tan elisaun maka povu sei la vota tan ona  tanba foin elisaun dala hira tuir tuir malu nee, ikus mai laiha ida manan maioria, tanba nee dalan diak maka forma governu unidade nasiona, ka ukun hamutuk hodi rezolve problema rai laran.* Jacinta Sequeira/Madalena Horta

Komentariu

Facebook Comments

Leave a Reply

Your email address will not be published. Required fields are marked *