3 Novembru Loron Feto, GMPTL Kongratula Feto TL Ba Dala 43

3 Novembru Loron Feto, GMPTL Kongratula Feto TL Ba Dala 43

- in Politics
23
0
FETO

DILI-Parlamentu Nasional (PN) liu husi Grupu Mulheres Parlamentares Timor-Leste (GMPTL), kongratula loron nasional ba Feto Timor-Leste iha dia 3 Novembru ba dala 43.

Iha sesaun Plenaria liu husi deklarasaun Politika Prezidente GMPTL  Deputada Lidia Norberta, deklara, komemorasaun loron nasional feto TL ba dala 43, neebe selebra iha loron 3 de Novembru. Iha biban ida nee lori grupu GMPTL iha PN hakarak kongratula feto maluk Timor oan tomak ho komemorasaun loron feto ba dala 43.

Loron nee konesidu tebes, iha istoria luta libertasaun nasional iha rai TL, i loron nee mos konsidera hanesan omenajen ida ba Eroina da patria sira hanesan Maria Tapo, Rosa Mukit Bonaparte, no eroina sira  seluk neebe mak saran aan luta libertasaun nasional no saran aan ba defende direitu feto Timor nian,” hatete Lidia iha deklarasaun politika GMPTL iha sesaun Plenari Segunda (05/11/2018) iha PN.

Iha momentu nee JMPTL ho respeitu hakruuk no fo onra ba inan feto maluk sira neebe luta ba direitu feto TL nian, i rekonese  tebes kontribuisaun neebe fo iha prosesu libertasaunnasional, hein katak kontribuisaun sira nee bele sai hanesan spiritu no mahon ba  jerasaun foun neee agora haknaar iha ida-idak nia funsaun iha prosesu independensia bele tau hanesan spiritu moris ida neebe sempre sai hanesan mata dalan ba ida-idak nia papel ba iha prosesu dezenvolvimentu nasional.

Iha Intervensaun Deputada Fretilin Helena Martins fo parabens ba loron nasional feto iha dia 3 de Novembru, loron nee espesial ba feto TL tanba ho feto sira nia kontribuisaun konsegue hetan liberatasaun ba rai ida nee, tanba nee kongratula kedas ba deklarasaun neebe mak prezidente JMPTL fo, tanba nee kongratula ba feto TL tomak.

Nunee mos Ministru Reforma Lejislativa i Asuntu Parlamentar  Fidelis Magalhaes hatete, hodi governu nian naran hakarak fo parabens ba feto TL nia loron iha dia 3 de novembru, neebe governu rejista i sei halo esforsu hotu para bele atinji igualdade jeneru iha futuru, tuir deklarasaun neebe mak lee sai ona. Informasaun kompletu iha STL Jornal, edisaun Tersa (6/11/2018). Guilhermina Franco

 

Facebook Comments

Leave a Reply

Your email address will not be published. Required fields are marked *