Peska Ilegal 107, Ikan 236.460 Lakon

Peska Ilegal 107, Ikan 236.460 Lakon

- in Politics
40
0
Peska1

DILI – Ministeriu Agrikultora i Peskas (MAP) halao revizaun final ba lei peskas, hodi lori ba Konsellu Ministru (KM) atu aprova nunee bele halakon peskas ilegal, tanba volume peska ilegal sae ba 107, no ikan 236.460 (Dozentos Trinta e Tres Mil, Quatrocentos e Seisenta) toneladas ikan lakon.

Tuir Diretor Geral Peskas Acacio Guterres, objetivu sorumutu ida halo revizaun ba lejislasaun lei peskas neebe durante nee implementa iha Timor-Leste. Lei nee elabora iha 2004, i lori ona tinan naruk i agora tempu ona atu halo revizaun, atu nunee bele harmoniza lei ida nee ho instrumentu internasional, rejional, liu-liu ba nasional nian.

Lei revizaun nee mak ho dekteru lei numeru 6/2004, dektretu governu numeru 5/2004, tanba dekteru lei ho dekretu governu nee iha artigu balu presiza haree.

Hau hanoin presiza ita servisu makas atu lei nee bele fo forsa liu tan hodi halakon peska ilegal nee, i volume peska ilegal nee agora aumenta, tanba uluk iha 30 too 40 hanesan nee, maibe depois haree didiak too oras ne kuaze Roo 107 mak halao hela atividade peska, nee tuir  kalkulasaun neebe halo ita nia rekursu ikan neebe lakon 236. 460 toneladas mak ikan lakon, ida nee halo komversaun ba dolar karik ita foti presu minimu neebe diak tanba ikan balu  kada kilo nee lahanesan U$ 2.00, U$ 6.00 U$ 12.00,”  hatete Diretor Acacio ba jornalista Segunda hafoin halao Sorumutu revizaun final ba lei peskas iha Salaun Katedral Vila-Verde.

Nia hatete, revizaun ida nee final ona, neebe ida nee hotu, bele lori ona ba konsellu ministru atu bele hetan aprovasaun, lei nee iha buat barak iha laran oinsa atu haree ba explorasaun ba rekursu sustentabilidade, no mos ba lisensa peskas i mos ba peskas ilegal, tanba hatene katak peska ilegal nee agora preokupasaun boot ba Timor-Leste tanba tuir sira nia observasaun nee iha Roo ba peska ilegal hamutuk 107, nee halao peska ilegal hela iha tasi laran.

Ho numeru Roo peska ilegal nee foin mak identifika, maibe seidauk hatene, tanba dehan katak labele fo sai lai ema husi neebe mak halao peskas ilegal nee.

Nunee mos Ministru Agrikultura i Peskas Joaquim Gusmão hatete, objetivu nee hanesan faze ikus liu atu bele halo konsultasaun kona ba lei peskas nian, i lei peskas nee halo konsultasaun lubuk ida ona, agora halo konsultasaun ba parte hotu-hotu, hanesan ba peskador sira, ba grupu feto nian NGO sira, depois konsultasaun hotu nia puncak nee mak ohin halo faze ikus hodi halo konkluzaun ba lei peskas atu nunee bele lori ba iha Konsellu Ministru bele aprova lei nee.

Tuir planu atu lori ba KM nee lalais liu diak liu, maibe halo revizaun nee loron 2, depois hadia hotu tiha buat neebe presiza hadia mak lori ba KM.  Guilhermina Franco

Facebook Comments

Leave a Reply

Your email address will not be published. Required fields are marked *