2020 MT Sei Dezenvolve Turizmu

2020 MT Sei Dezenvolve Turizmu

- in Politics
200
0
881ff36a4e83656d5908782fb004a1c0_w340_h250_cp

Editor: Joseph Koa

DILI –Tinan 2020, Ministeriu Turizmu (MT) sei foka liu dezenvolvimentu area Turizmu iha teritoriu Timor Leste (TL) laran tomak.

Kestaun nee hatoo husi Diretur Jeral Ministeriu Turizmu, Paulino Quintas ba jornaista iha uma Fukun  Parlamentum Nasional, Dili, Tersa, (07/01/2020)

Ita hotu hatene katak, oitavu governu konstituisioanal fo impotantansia makas liu ba iha setor ida nee, tanba sira mos rekonese katak setor nee importante tebes ba ekonomia TL nian. Tan baita labele depende demais ba iha mina nia produsaun sei bele tun hanesan mos iha area peskas nia mos sei tun, maibe Turizmu nunka mais atu tun, dehan nia.

Nia dehan, dadaun nee publiku kestiona makas kona ba fatin Turizmu sira iha teritoriu neebe abandonadu, tan nee iha tinan 2020 Ministeriu Turizmu sei dezenvolve liu tan area Turizmu. Governu  preve ona orsamentu liu-liu atu halo master plan ba iha zona turistiku tolu neebe bazeia ba estrateziku 11/30 hanaesan zona Leste zona central nomos Oeste.

Fatin Turizmu sira neebe governu sei kontinua dezenvolve mak hanesan, Ramelau tanba fatin refere absolve turistiku domestiku barak tebes, hanesan mos Kristo Rei  nee, wainhira ema halo vizita ba iha kapital Dili, sempre halo vizita iha fatin refere tanba fatin refere hanesan Icon ba kapital TL nian.

Ita presiza halo jestaun tanba nee importante tebes, kada vez governu halo rehabilitasaun maibe too ikus mai, kada vez fatin sanitasaun sira nee hetan estragus hotu, tanba nee presiza halo jestaun,  publiku mos presiza kontribui tanba kada ves publiku mos faz parte husi solusaun, laos governu hadia tiha publiku rasik laiha konsensia, lampu sira neebe monta ona ba estraga depois mos soe lixu arbiru, tenik nia.

Nia mos hatutan, nasaun TL hanesan nasaun neebe destinto turistiku neebe emerjente no foun nomos iha potensialidade neebe boot tebes iha natureza kultura timor nian, tan nee presiza mos seguransa iha teritoriu neebe diak, nunee ema hotu bele asesu ba iha fatin Turizmu hotu neebe iha terirotiu laran.

Hanesan iha tinan rua liu ba, vizitantes sae makas, iha tinan 2017 vizitantes hamutuk 67.000 no tinan 2018 vizitantes internasional hamutuk 149.000, no iha tinan 2019, dadus husi imigrasaun espera katak nia sei sae makas liu tanba iha tinan 2019, Ro Cruzeiru barak mak tama mai Timor Leste hanesan selebrasaun tinan 30 Proklamasaun Independensia.

Ida tan mak ita sei kontinua promove distino turistiku TL ida neebe seguru, liu-liu iha ita nia nasaun vizinu sira hanesan Australia, sira hare hanesan Timor nee nasaun neebe ke la seguru ba vizitantes, entaun ita tenki kontinua promove, no laos ita provove distintu turistiku ida hanesan maduru ona hanesan Bali ga Singapura sira nee, ida nee laiha, promove distinu turistiku ida neebe seguru ba vizitantes sira, hanesan situasaun hakmatek, tanba turista sira mai nee laos atu buka hotel sira neebe luxu nee, maibe mai iha nee buka natureza ida neebe ke hakmatek, afirma nia.

Nia admite orsamentu neebe sei  uza ba iha Master Plan tinan 2020 hamutuk 555,000 dolar tuir planu integradu neebe iha tinan 2020 nee. Alberto Menezes

Komentariu

Facebook Comments

Leave a Reply

Your email address will not be published. Required fields are marked *