2020, Garante Kualidade Edukasaun

2020, Garante Kualidade Edukasaun

- in Politics
440
0
download (12)

Editor: Godinho Barros

DILI— Planu Ministeriu Edukasaun Juventude no Desportu (MEJD)  iha 2020, mak hadia kualidade edukasaun ba Timor oan hotu, liu husi infraestrutura, fasilidade, eskola no  hadia kualidade profesores.

Vise Ministru Edukasaun, Juventude no Desportu, João Zacarias Freitas Soares dehan,  Ministeriu Edukasaun Juventude no Desportu (MEJD), hakarak hatoo proposta programa OJE 2020 ninian, miniteriu edukasaun juventude no desportu nia politika iha edukasaun mak atu garante no hadia asesu edukasaun ho kualidade ba Timor Oan tomak.

Kualidade edukasaun determina husi elementus importante barak, mak hanesan infraestrutura no fasilidade neebe adekuadu, kurikulum, kualidade manorin ho kompetensia neebe diak, inklui konesimentu pedagojiku apropriadu, disponibilidade rekursu didatiku hanesan livrus sira, jestaun eskolar efetivu no seluk tan, hatete João bainhira halo audendia ho Komisaun G iha PN, Tersa (07/01/2020).

Nia hatutan, bazeia ba VIII governu nia programa, ministeriu tau importansia ba infraestrutura, kualidade manorin sira, kurikulum, jestaun eskolar no inkluzaun. Neebe rekere estabelesimentu sistema politika regulamentasaun neebe forte no efetivu hanesan fundasaun atu implementa prioridade no akompana politika planeamentu monitorizasaun no avaliasaun neebe forte no efetivu atu atinji objetivu husi preoridade neebe iha.

Nia afirma, MEJD determina atu atinji politika edukativu liu husi programa neebe hetan apoiu husi alokasaun OJE 2020. Atu  implementa programa edukasaun nian, ministeriu simu OJE 2020 pakote fiskal millaun U$ 89.511.043, ho estrutura orsamentu kategoria hanesan salariu vensimentu, bens de servisu, transferensia kapital menor, no kapital dezenvolvimentu.

Nia afirma, salariu vensimentu millaun U$ 6.707.179, bens servisu millaun U$ 17.863.933, transferensias millaun U$ 1. 765.420 kapital menor millaun U$ 13.235.900, kapital dezenvolvimentu millaun U$ 6.029 .000, nee ba halo konstrusaun iha eskola sekundaria sira, nunee alokasaun orsamentu jeral ba tinan 2020 MEJD atu utiliza ba atividade hanesan alokasaun salariu no vensimentu atu halo pagamentu salariu ba 592 funsionariu husi nasional ho munisipiu kuaze rihun 15  resin ba profesores.

Alokasaun orsamentu ba bens servisu nee atu uza ba pagamentu konstrusaun eskolar iha nivel ensinu hotu-hotu. Implementa  reforma kurikular ensinu nivel ensinu baziku no no sekundariu. Fornese materia didatiku inklui ba pre-eskolar, livru sira ba ensinu baziku no sekundaria jeral.

Entretantu ba formasaun akademika baixarelatu kontinua ba profesores sira, asegura funsionamentu eskola Café, reforsa jestaun eskolar implementa atividade neebe seguru inkluzividade inklui produsaun material ba sosializasaun jeneru, reforsa lei no politika sira, pagamentu ba projetu konstrusaun neebe realiza iha 2019.

Alokasaun transferensia publika atu utiliza ba pagamentu kustu operasionais eskola Café tuir akordu neebe iha, halo pagamentu  ba konseisaun eskolar, formasaun akademika, subsidiu ba labarik sira, subsidiu ba sentru aprendizajen komunitariu sira, pagamentu ba eskola sira neebe mak implementa programa hafurak eskola.

Orsamentu neebe atribui ba kapital menor, tuir Joao sei utiliza sosa kumputador ba ensinu baziku sentral no ba tekniku vokasional, sosa motorizada ba adjuntu sira hotu, sosa tablet ba inspektor eskolar, sosa material ba bibleoteka, sosa tablet ba formador sira iha infordepe, sosa kareta ba infordepe no material sira atu apoiu servisu ministeriu nian.

Ikus liu ba alokasaun orsamentu ba kapital dezenvolvimentu, atu halo konstrusaun ba sala de aula 203, ba iha pre-eskolar, sala ensinu baziku no sala ba enisu sekundaria jeral.

Liu husi audensia nee iha intervensaun husi Bendita Magno bankada CNRT kestiona kategoria orsamentu kapital dezenvolvimentu  2020 nian aumenta makaas. Tan nee husu klarifikasaun ba  Ministeriu Edukasaun.

Nunee mos Ministra Edukasaun Juventude no Desportu, Dulce de Jesus Soares dehan, hare ba alokasaun orsamentu no mos kortes sira iha diskusaun pasadu koalia ona MEJD kumpri relatoriu husi komisaun C neebe husu atu elumina millaun 21  neebe aloka iha transferensia publika. Maibe kontinua aloka millaun ida resin ba programa halo pagamentu kustu operasional tuir akordu ho governu Portugues, no mos halo pagamentu ba konseisaun eskolar eskola privadu sira.

Nia relata orsamentu ba  transferensia publika antes nee iha kapital  dezenvolvimentu aumenta millaun 2 resin nee mak mai fali iha kapital  dezenvolvimentu, iha orsamentu foun kapital  dezenvolvimentu iha millaun U$ 6. 028.000 hodi halo konstrusaun eskola sekundariu sira. Ida nee mak mudansa  iha orsamentu ba daruak nian bazeia ba relatoriu  komisaun C. * Guilhermina Franco

Komentariu

Facebook Comments

Leave a Reply

Your email address will not be published. Required fields are marked *